Т.САЙХАН

БНХАУ  энэ сарын 8-ны өдрөөс эхлэн хуурай замын хилийн боомтоор олон улсын зорчигч тээврийн хөдөлгөөнийг сэргээхээр болсон. 

Үүнтэй холбогдуулан БНХАУ-ын Эрээн хотод нуклейн хүчлийн шинжилгээг Эрээн хотын Ардын эмнэлэгт Даваа-Ням гарагуудад 8:00-12:00, 15:00-21:00 цагуудад өгөх бөгөөд шинжилгээний хариу дараах байдлаар гарна. 

•  8:00-10:00 цагийн хариу 15:00 цагаас хойш
•  10:00-12:00 цагийн хариу 18:00 цагаас хойш
•  15:00-18:00 цагийн хариу 21:00 цагаас хойш 
•  18:00-21:00 цагийн хариу 24 цагаас хойш тус тус гарна. 

Гадаад улсын иргэд Эрээн хотын Ардын эмнэлгийн дугаар авах хэсэгт бичиг баримтаа бүртгүүлж, 12 юанийн төлбөр тушаасан баримтаараа тус эмнэлгийн яаралтай түргэн тусламжийн хэсэгт очиж бар код авна. Бар кодоо авсны дараа шинжилгээ авах цэгт очиж шинжилгээг өгнө. 

Шинжилгээний хариуг дээрх цагийн хуваарийн дагуу тус эмнэлэгт байрлах автомат машинаас мөнгө тушаасан баримт дээрх ID гэсний ард бичигдсэн 10 оронтой тоог хийж, Хятад улсад хэрэглэж буй гар утасны дугаараа хийж хэвлэж авах юм байна.

Эх сурвалж:www.polit.mn