Т.САЙХАН

АН-аас  Зөвшилцлийн ажлын хэсэг гаргасан талаар өнөөдөр Төрийн ордонд мэдээлэл хийлээ. “2022 оны аравдугаар сард Ардчилсан Намаас Зөвшилцлийн ажлын хэсэг 12 хүний бүрэлдэхүүнтэй байгуулагдсан. Тус ажлын хэсэг Ардчилсан Намд үүсээд буй дотоод асуудлаа хэлэлцэх, шийдлийн гарцыг тодорхойлох, санал боловсруулах зорилготой байсан" гэж АН-ын нарийн бичгийн дарга Д.Эрдэнэсувд мэдээллийн эхэнд хэлэв.

АН-ын Ерөнхий нарийн бичгийн дарга И.Мөнхжаргал “Өнөөдөр Ардчилсан Нам эв нэгдлийн тухай ярьж байгаа нь сайн зүйл. Сөрөг хүчнийхээ хувьд байр суурин дээрээ нэгдэж, 2024 оны сонгуульд эрх баригчдын эсрэг сөрөн зогсох чадвартай нам байхын тулд эвлэлдэн нэгдлээ. Эрх баригчдын даварсан үйлдлийг таслан зогсоох, иргэдийн амьдралыг дээшлүүлэхийн тулд эвлэлдэн нэгдэж байна. 2024 оны парламентын сонгуульд Ардчилсан Нам нэг нэр, нэг туг дор, нэг нэр дэвшигчтэй оролцох болно. Мөн намын  гишүүдийнхээ санал дүгнэлтэд үндэслэж цаашдын бүтэц зохион байгуулалтыг хамтран шийдвэрлэхээр тогтсон" гэлээ. 

Эх сурвалж:www.polit.mn