Баярмэндийн ДОЛЖИНЖАВ
Дэлхийн топ баячуудын нэг Элон Маскын эзэмшдэг “Твиттер” компани орлогоо нэмэгдүүлэхийн тулд улс төрийн сурталчилгааны хоригоо цуцална хэмээн “Ройтерс” агентлаг мэдээлэв. Хамгийн олон хэрэглэгчтэй олон нийтийн сүлжээнүүдийн нэг болох “Твиттер” улс төрийн агуулга бүхий зар сурталчилгааг 2019 онд хориглож байв. Энэ хоригийг тогтоохоос өмнө АНУ-ын 2018 оны дунд хугацааны сонгуулийн үеэр сурталчилгаанаас гурван сая гаруй ам.доллар олсон нь зар сурталчилгаа тус компанийн орлогод ямар их нөлөөтэйг харуулсан билээ. Гэвч олон нийтийн мэдээллийн хэрэгслүүд сонгуулийн үеэр худал мэдээлэл тарааж байна гэсэн шүүмжлэл гарсны дараа “Твиттер” улс төрийн сурталчилгааг хориглох шийдвэрийг гаргаж байв.
Эзэмшигчээ сольсон тус компани дээрх өөрчлөлтөөс гадна телевиз болон бусад хэвлэл мэдээллийн хэрэгслүүдтэй адилхан шалтгаанд суурилсан зар сурталчилгааны бодлого /Cause-based advertisements/ баримтална гэдгээ мэдэгджээ. Ингэснээр “Твиттер” “Facebook” болон “YouTube”-тэй адил улс төрийн сурталчилгаагаар дамжуулан орлого олохоор болсон байна. Энэ талаар “Твиттер” компани өөрсдийн цахим хуудсаар дамжуулан “Шалтгаанд суурилсан зар сурталчилгаа нь чухал сэдвээр хүмүүс өөрсдийн үзэл бодлоо илэрхийлэх, хэлэлцүүлэг өрнүүлэх орон зайг тэлдэг гэдэгт бид итгэдэг” хэмээн жиргэжээ.
Шалтгаанд суурилсан зар сурталчилгаа гэдэгт боловсрол, цаг уурын өөрчлөлт, сонгогчдын бүртгэл, Засгийн газраас хэрэгжүүлж байгаа хөтөлбөрүүд багтсан гэж Твиттер компанийн Итгэлцэл, аюулгүй байдлын албаны дарга Элла Ирвин тайлбарласан байна. Харин Хятадын “TikTok” аппликейшн улс төрийн агуулга бүхий сурталчилгааг хориглосон хэвээр байгаа юм.
Дашрамд дурдахад, Элон Маск өнгөрсөн оны аравдугаар сарын сүүлээр “Твиттер” компанийг худалдаж авсан. Үүнээс хойш олон мянган ажилтнаа халсан нь ихээхэн шуугиан тариад байгаа юм. Мөн тус компани энэ онд гурван тэрбум ам.долларын алдагдалд орох эрсдэлтэй зардлаа бууруулах арга хэмжээг өнгөрсөн сараас хэрэгжүүлж эхэлсэн билээ.
Эх сурвалж: "Зууны мэдээ" сонин
2023 ОНЫ НЭГДҮГЭЭР САРЫН 6. БААСАН ГАРАГ. № 4 (6989)
COP17: Бэлчээр, ус, цөлжилт гэсэн гурван асуудалд тал хээрийн төлөвлөгөө төвлөрч байна
"Тал хээрийн төлөвлөгөө" буюу (Steppe Action Agenda)-ийн гол үзэл санаа нь тал хээрийн экосистеми
7 цаг 38 мин
“Д.Нацагдорж бол дэлхийн хүн”
Их зохиолч, соён гэгээрүүлэгч Дашдоржийн Нацагдоржийн мэндэлсний 120 жилийн ойд зориулсан
7 цаг 42 мин
Хүннү гүрний голомт нутгаас хүчит бөхчүүдийн домог үргэлжилнэ
Архангай аймаг бол Хүннү гүрний голомт нутаг. Тэнд Хүннүгийн хаад, язгууртны хамгий
7 цаг 51 мин
Монгол-Хятадын сэтгүүлчдийн 16 дугаар форум 9 дүгээр сард болно
МСНЭ-ийн Удирдах зөвлөл өнөөдөр /2026.08.05/ хуралдаж Монгол-Хятадын сэтгүүлчдийн 16 дугаар фо
Өчигдөр 15 цаг 41 мин
АНУ-ын Ерөнхийлөгч Дональд Трамп цэргийн гэр бүлийг дэмжих шинэ комисс байгууллаа
АНУ-ын Ерөнхийлөгч Дональд Трамп цэргийн гэр бүлийг дэмжих шинэ комисс байгууллаа
Өчигдөр 11 цаг 54 мин
“THE HU” хамтлагийн талаар та “Yuve Yuve” дуунаас өөр юу мэдэх вэ?
Та “THE HU” хамтлагийн талаар “Yuve Yuve” дуунаас өөр юу мэдэх вэ?
Өчигдөр 11 цаг 46 мин
А.Ариунзаяа: Хүний нэр төрийг нас барсных нь дараа ч хуулиар хамгаалах ёстой
А.Ариунзаяа: Хүний нэр төрийг нас барсных нь дараа ч хуулиар хамгаалах ёстой
Өчигдөр 06 цаг 20 мин
Оюу толгойгоос “Рио Тинто” ашиг хүртэж эхэлсэн ч Монгол Улс өр төлсөөр байна
Оюу толгойгоос “Рио Тинто” ашиг хүртэж эхэлсэн ч Монгол Улс өр төлсөөр байна
Өчигдөр 06 цаг 05 мин
МАН-ын 50 настнууд Хөвсгөлд, 40 настнууд нь Хэнтийд “хуралджээ”
МАН-ын 50 настнууд Хөвсгөлд, 40 настнууд нь Хэнтийд “хуралджээ”
Өчигдөр 06 цаг 00 мин
Засгийн газрын хоригт орсон арга хэмжээнүүд
Засгийн газраас хориглосон арга хэмжээнүүд
Уржигдар 15 цаг 13 мин