Б.ЖАВХЛАН

Монгол, Хятадын хилийн Замын-Үүд-Эрээн авто замын боомтын зорчигч тээврийн хөдөлгөөнийг энэ сарын 8-ны өдрөөс нээхээр болсон. Ингэхдээ өдөрт 300 зорчигчийг наймаас доош суудалтай 20 ширхэг тээврийн хэрэгслээр нэвтрүүлнэ. Харин хуучин УАЗ 469 машин хүлээж авахгүй гэдгээ мэдэгдсэн байна. Учир нь УАЗ 469 машин нь өнгө үзэмж, аюулгүй байдал талаасаа тус улсын стандартыг хангахгүй, хил хоорондын тээврийн хэрэгсэл болгон ашиглахгүй гэжээ. Мөн хилээр нэвтрэх иргэдийн тоо болон тээврийн хэрэгслийг цаашдаа үе шаттайгаар нэмэгдүүлнэ. Зорчигч Хятадын гаалийн аппликэйшнийг ухаалаг утсаараа Англи, ХХХятад хэлээр бөглөх, эсвэл цаасан хэлбэрээр монгол хэлээр урьдчилан бөглөсөн байна. 48 цагийн ПСР шинжилгээний хариу сөрөг байхыг шаардана. Эерэг гарсан болон халуурах шинж тэмдэг илэрсэн бол хилээр нэвтрүүлэхгүй гэжээ.

Хил нээхтэй холбоотойгоор хоёр тал бэлтгэл ажлаа хангаж, халдвар хамгааллын дэглэм хэрхэн баримтлах талаарх зөвшилцөлд хүрсэн байна.

Эх сурвалж: www.polit.mn