З.БАТЦЭЦЭГ

АНУ-ын Ерөнхийлөгч асан Дональд Трампын хэвлэлийн нарийн бичгийн дарга асан Сара Хакаби Сандерс Арканзас мужийн шинэ амбан захирагч болно гэж Associated Press агентлаг таамаглаж байна.

Америкийн хэвлэл мэдээллийн хэрэгслүүд өөрсдийн тооцоололд үндэслэн ялагчийг нэрлэсэн. Цаашидын санал нь сонгуулийн үр дүнд нөлөөлөхгүй гэдэгт итгэлтэй байгаагаа илэрхийлж байна. Арканзас мужийн амбан захирагч асан Майк Хакабигийн охин Сара Сандерс сонгуулийн уралдааны үеэр ээжийхээ овгийг ашигласан. Тэрээр Засаг даргын суудалд Ардчилсан намаас нэр дэвшсэн Крис Жонсыг ялсан юм. К.Жонс муж улсын түүхэн дэх анхны хар арьст амбан захирагч болж магадгүй байсан. Гэсэн хэдий ч Хакаби Сандерс энэ консерватив мужийг тэргүүлсэн анхны эмэгтэй төдийгүй түүхэндээ энэ мужийн амбан захирагч асан хүний охин гэдгээрээ түүхэнд үлдэх болно.

Майк Хакаби консерватив Бүгд найрамдах намын төлөөлөл, урьд нь номлогч, амбан захирагч, нэвтрүүлэгч байсан тэрээр сонгуулийн кампанит ажилд охиндоо идэвхтэй тусалсан. 2017-2019 онд Д.Трампын хэвлэлийн нарийн бичгийн даргаар ажиллаж байсан 40 настай гурван хүүхдийн ээж тэрээр өмнө нь Д.Трампын сонгуулийн сурталчилгааны гол зөвлөхөөр ажиллаж байсан ба Цагаан ордны сэтгүүлчидтэй таарамж муутай байжээ.

Тэр олонтаа ерөнхийлөгчийн таагүй, маргаантай үйлдэл, үгийг өмөөрөх шаардлагатай болдог байсан, ихэнхдээ үүнийг тэр итгэл үнэмшилгүйгээр хийдэг байсан бөгөөд хожим нь заримдаа худал хэлдэг байснаа хүлээн зөвшөөрсөн. Д.Трамп түүнийг амбан захирагчийн сонгуульд нэр дэвшүүлэхийг дэмжсэн юм.

Эх сурвалж: www.polit.mn