З.БАТЦЭЦЭГ

АНУ-д суугаа Азербайжаны ЭСЯ-ны албаны машиныг Вашингтонд буудсан байна. Энэ тухай Бүгд Найрамдах улсын Гадаад хэргийн яамны хэвлэлийн алба мэдээлэв. "Аравдугаар сарын 10-наас 11-нд шилжих шөнө Вашингтон дахь Бүгд Найрамдах Азербайжан улсын ЭСЯ-ны албаны машин руу гал нээсэн. Хэрэг явдалтай холбогдуулан Дипломат төлөөлөгчийн газраас АНУ-ын холбогдох байгууллагад нэн даруй мэдэгдэж, эсрэг талд дүрс бичлэгийг танилцуулсан. Энэ үйл явдалтай холбогдуулан тус улсад суугаа АНУ-ын хэргийг түр хамаарагч Гадаад хэргийн яаманд дуудаж, Азербайжаны тал ноцтой түгшиж, дургүйцэж буйгаа илэрхийлж, Азербайжаны дипломат төлөөлөгчийн газрын аюулгүй байдлыг хангах шаардлагыг хүргүүлсэн” гэж мэдэгдэлд дурджээ.

Гадаад хэргийн яам “Сүүлийн үед Азербайжаны дипломат төлөөлөгчийн газруудад гадаад улс орнуудад байгаа армян нийгэмлэгүүдийн радикал гишүүдийн халдлага, түүний дотор Вашингтон, Парис хот дахь Азербайжаны Элчин сайдын яамдын эсрэг үйлдсэн халдлага, эвдэн сүйтгэх үйлдлүүд системтэй болж байгааг” онцлон тэмдэглэв. "Гадаад улс дахь Азербайжаны дипломат төлөөлөгчийн газрын аюулгүй байдлыг хангах нь олон улсын конвенцид заасны дагуу хүлээн авагч улсын үүрэг юм. Үүнтэй холбогдуулан хэрэг явдал бүрт зохих шалгалт явуулж, Азербайжаны Элчин сайдын яамд, дипломатуудын аюулгүй байдлыг зохих түвшинд хангах шаардлагыг бид дахин онцолж байна" гэж Гадаад хэргийн яам тэмдэглэв.

Эх сурвалж: www.polit.mn