• Зууны мэдээ сонин онлайн захиалга

19 зах худалдааны төв, барилгын материалын бүх дэлгүүрүүд ажиллахгүй

Т.САЙХАН

Ням гарагт автомашингүй өдөр тохионо. Энэ өдөр 07:00-18:00 цагийг дуустал төв замаар машин зорчуулахгүй гэдгийг албаныхан мэдээлээ. Мөн энэ өдөр захууд ажиллахгүй юм байна.

Нийслэлийн Засаг даргын хэвлэлийн төлөөлөгч Н.Сугар "Есдүгээр сарын 25-ны автомашингүй өдрөөр 19 томоохон зах худалдааны төв болон 100 айл орчмын барилгын материалын бүх зах, дэлгүүр ажиллахгүй.

Нийслэлийн удирдлагуудын зүгээс иргэдийг автомашинаас татгалзаж, явган алхахад таатай орчныг бүрдүүлэх зорилгыг баримталж буй. Тухайлбал 2022 онд Бага тойруугийн 13 байршилд явган хүний замыг шинэчилсэн, хашаа, хайсуудыг буулгаж оронд нь цэцэрлэгт хүрээлэн байгуулж байна. Эдгээр ажлуудыг автомашингүй өдөрт оролцож буй иргэд анзаарч хараарай. Хийгдсэн ажлууд нь иргэдэд тав тухтай орчныг бүрдүүлж чадсан эсэхэд санал шүүмжлэлээ чөлөөтэй хэлэхийг хүсэж байна" гэв.

Эх сурвалж:www.polit.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
Иргэн
СБ дүүргийн 9 р хорооны нутагт хоосон газар их байна Энд ногоон байгууламж цэцэрлэгт хүрээлэн байгуулах хэрэгтэй байна