• Зууны мэдээ сонин онлайн захиалга

Тэнгисийн цэргийн техникийн төв барихад 700 сая доллар хуваарилна

З.БАТЦЭЦЭГ

Австралийн Сидней хотод цэргийн болон худалдааны хөлөг онгоцны засвар үйлчилгээний шинэ төв барина. "Sydney Morning Herald" сонины мэдээлснээр Австралийн Засгийн газар тус компанийг бий болгоход нэг тэрбум австрали доллар (696.3 сая доллар) хуваарилна. Хэвлэлийн мэдээлснээр тэнгисийн засвар үйлчилгээний төвийг Сиднейн дуурийн театр болон хотын төвөөс зүүн тийш хоёр км-т орших Гарден аралд барих аж. Австралийн Шадар сайд Барнаби Жойс “Шинэ байгууламж нь зөвхөн тэнгисийн цэргийн флотын хөлөг онгоцонд төдийгүй ойрын жилүүдэд Австралид бүс нутгийн бүрэн эрхт байдлыг хадгалах зорилгоор барих худалдааны флотын хөлөг онгоцуудад үйлчлэх боломжтой болно” гэв.

Ерөнхий сайд Скотт Моррисоны өмнө нь зарласан дөрвөн төвийн нэг болох шинэ засвар үйлчилгээний төв нь 2024 оны дундуур ашиглалтад орох төлөвтэй байна. Кэрнс (Квинсленд), Дарвин (Хойд нутаг дэвсгэр), Хендерсон (Баруун Австрали) хотод дахин гуравыг барих төлөвлөгөөтэй ч тэдгээрийг барих хугацааг хараахан зарлаагүй байна. Шинэ төвүүд нь Австралийн байлдааны хөлөг онгоцнуудад үйлчилгээ үзүүлэхийг урьтал болгохоор төлөвлөж байгаа боловч Австралид одоо байгаа 13 томоохон худалдааны хөлөг онгоцны үйлчилгээний байгууламжуудыг мөн байрлуулах болно.

Эх сурвалж: www.polit.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.