• Зууны мэдээ сонин онлайн захиалга

Телевизийн сэтгүүлчийг хөнөөсөн хэрэгт Палестиныг буруутгав

З.БАТЦЭЦЭГ

Катарын Гадаад хэргийн сайдын туслах Лолва аль-Хатер Израилийн цэргүүд Иорданы Баруун эрэгт “Аль-Жазира” сувгийн сурвалжлагч Ширин Абу Акилиг хөнөөсөн хэргийг буруушаав. Тэрбээр өөрийн твиттер хуудастаа энэ мессежийг нийтэлжээ. "Израилийн эзлэн түрэмгийлэгч хүчнийхэн “Аль Жазира” телевизийн сэтгүүлч Ширин Абу Акилахыг хэвлэлийн хантааз, дуулга өмссөн байсан ч нүүр рүү нь буудаж хөнөөсөн. Сэтгүүлч эмэгтэй тэдний Женин дүрвэгсдийн хуаранд хийсэн дайралтын талаар сурвалжилж байжээ. Израилийн терроризмыг төрөөс дэмждэгийг зогсоож, Израильд ямар ч болзолгүй дэмжлэг үзүүлэхээ болих ёстой" гэж аль-Хатер онцолжээ.

Хариуд нь Израилийн арми Женин хотод Израилийн арми болон зэвсэгт палестинчуудын хооронд буудалцаан болсноос сэтгүүлчид гэмтэж бэртсэн байж болзошгүй мэдээллийг судалж байгаа гэж мэдэгджээ. Үүний зэрэгцээ Еврейн Гадаад хэргийн сайд Яир Лапид “Аль Жазира” агентлагийн сурвалжлагчийн үхлийн талаар хамтарсан мөрдөн байцаалт явуулахыг Палестины эрх баригчдад санал болгосон гэв.

Эх сурвалж: www.polit.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.