“Зууны мэдээ” сонин 2021 онд Монгол Улсын төр нийгэм, соёл урлаг, шинжлэх ухааны салбарт энэ зуундаа ажил үйлс, амжилт бүтээлээрээ олон түмнээ манлайлж яваа хүмүүс, алдартнуудыг “Зууны хүн” булангийнхаа зочноор урьж оролцуулсан билээ. Тэдний нэг Ардын багш, гавьяат тамирчин Дамдиншарав бол Монголын тамирчдын дундаас олимпийн медалийг эх орондоо анхлан авчирсан гэдгээрээ хэзээ ч мартагдашгүй гавьяат үйлс бүтээсэн хүн юм.
Түүний гаргасан мөрөөр замнасан Монголын тамирчид олимпоос одоогийн байдлаар 30-аад медаль аваад байгааг хэлэхэд таатай байна. Олон зуун шавь нартаа “Дамийл багш” хэмээн нэрлэгддэг энэ эрхмийн тухай Соёлын гавьяат зүтгэлтэн, сэтгүүлч Дуламын Цэрэннадмидын бичиж нийтлүүлсэн “Олимпийн медальтнуудын анхдагч Чимэдбазарын Дамдиншарав” хөрөг нийтлэлийг сонсгоё.