З.БАТЦЭЦЭГ

Израйл улс нь Украины паспорт эзэмшигчид тус улсад нэвтрэх журмыг өөрчилж, визгүй нэвтрэх дэглэмийг цуцаллаа.

Израйльчууд өөрсдийн шийдвэрээ хямрал гэж тайлбарлав. Энэ шийдвэр нийтлэгдсэн цагаас эхлэн өмнө нь Израил руу чөлөөтэй зорчиж байсан Украины иргэд тус улсад нэвтрэхийн тулд Мисрад ха-пнимээс тусгай зөвшөөрөл авах шаардлагатай болно. Ийнхүү украйнчуудад өмнө нь мөрдөгдөж байсан визгүй дэглэмийг цуцаллаа.

Израил хамаатан садантай хүмүүст ийм зөвшөөрөл авахад ямар нэгэн онцгой саад тотгор учруулах ёсгүй гэж Израилын Дотоод хэргийн яам тэмдэглэв. Израил руу нэвтрэх боломжтой украйнчуудын тэргүүлэх ангиллын жагсаалтыг мөн эмхэтгэсэн байна. Олон мянган украйнчууд Израйл руу дүрвэсэн бөгөөд тэдний олонх нь Израилд дүрвэгчийн статус авах хүсэлтээ гаргаад байгаа нь уг шийдвэрт тодорхой нөлөөлсөн байна.

Нэг талаас жижиг улсын эрх баригчид олон мянган дүрвэгсдийг хүлээн авч, дараа нь суурьшуулах зардалтай холбоотой эдийн засгийн хямралыг өдөөхийг хүсэхгүй байгаа нь тодорхой. Нөгөөтэйгүүр, Израил нь еврейчүүдийн мөн чанарыг үргэлж шаарддаг бөгөөд еврейчүүдтэй холбоогүй олон мянган хүн тус улсад амьдрахыг хэзээ ч дэмждэггүй.

Киев сэтгэл дундуур байна: Украины ерөнхийлөгчийн тамгын газрын тэргүүн Андрей Ермак израилчуудын үйлдлийг шүүмжилжээ. "Бид визгүй зорчих эрхийг түдгэлзүүлж, Украины иргэдийг нэвтрүүлэхэд Дотоод хэргийн яамны цахим зөвшөөрлийн системийг нэвтрүүлэх нь нэн даруй засаж залруулах шаардлагатай, нөхөрсөг бус алхам гэж үзэж байна" гэж тэр хэлэв.

Эх сурвалж:  www.kp.ru