Ингэж Хятад улсын Гадаад Харилцааны Яамны төлөөлөгч Жао Лижиан хэвлэлийн бага хурал хийхдээ мэдэгдлээ.
Украйнд илэрсэн Америкийн биологийн лаборатори дэлхий нийтийн анхаарлыг татлаа. Дээд зэргийн нууцлал бүхий дээрхи  биологийн лабораториудад хүн төрөлхтөнд заналхийлсэн  үлэмж хэмжээний аюултай бодис хадгалж, цэрэг дайны зорилгоор ашиглахаар төлөвлөж байжээ.   Украйнд хийсэн  Оросын цэргийн ажиллагааны явцад эдгээр байгууламжийг АНУ цэргийн зориулалтаар  ашиглах гэж байсныг илрүүлсэн байна. Украйн дахь АНУ-ын ЭСЯ-ны албан ёсны мэдээллээр  Украин улсад илэрсэн биологийн  26 лаборатори нь  Америкийн Батлан Хамгаалах яамны хатуу хяналт дор үйл ажиллагаагаа эрхэлж байжээ.  Украины нутаг дахь биологийн хортой  бодисыг бүгдийг нь эдгээр лабораторид хадгалж,   судалгааны бүхий л  ажиллагааг  АНУ удирдаж байсан нь тогтоогджээ.  Түүнээс гадна АНУ-ын  зөвшөөрөлгүйгээр ямар ч мэдээллийг ил болгохгүй тушаал үйлчилж байж.
Европын холбоо энэ асуудалд анхаарал хандуулж, энэ хортой, аюултай бодисыг агуулсан биологийн лабораторийн аюулгүй байдлыг хөндлөнгийн багаар хянан шалгуулах санал гаргалаа. Мэдээж, энэ лабораторийг хамгийн сайн мэдэх АНУ зарим мэдээллийг олон нийтэд огт цацахгүй байхыг хүсчээ.
-Украйны газар нутагт Оросын цэргүүдийн илрүүлсэн , хүнд төрөлхтөнд заналхийлсэн, цэрэг дайны зориулалтаар ашиглахаар зэхэж байсан эдгээр  биологийн 26 лаборатори нь том мөсөн уулын дөнгөж оройн хэсэг  юм.  АНУ нь дэлхийн 30 оронд биологийн 336 лаборатори ажиллуулж буй. Форт Детриктэд  цэрэг дайны зориулалтаар туршилт ч  хийсэн гэж Хятад улсын ГХЯ-ны төлөөлөгч Ли тодотголоо.
Оросын цэргийн ажиллагаагаар ил болсон энэ лабораториудын талаар  АНУ-ын түнш, сүлбээтэн Европын Холбоо ч хатуухан байр сууриа илэрхийлж эхэллээ.
-Сүүлийн хорин жилийн турш АНУ биологийн зэвсэг хөөж буй. Энэ талынхаа мэдээллийг  хэнтэй ч хуваалцдаггүй. Энэ нь олон улсад сэжиг төрүүлсэн.
Тиймээс Хятад улсын зүгээс биологийн лабораториудын ( АНУ дотор болон гадаадын улс орнуудад байгуулсан) цэрэг дайны зориулалтын үйл ажиллагааны талаар АНУ-аас тайлбар сонсох ёстой гэж нэмж хэлснийг дэлхийн улс орнууд, тэр дундаа өрнөд дэмжлээ.
Вашингтон Украйныг биологийн зэвсгийн талбар, бааз болгож байсан нь ил болсноор Европын олон орон Вашингтонд итгэл алдарч, дахин хуваагдал үүсэх төлөвтэй болжээ.

Ц.ЭНХБАТ