З.БАТЦЭЦЭГ

Австралийн ерөнхий сайд Скотт Моррисон даваа гарагт Үндэсний аюулгүй байдлын хорооны хуралдааны дараа Украинд байгаа Австраличуудыг нэн даруй гарахыг уриалав.

“Украин дахь бүх австраличуудад бид сүүлийн хэдэн долоо хоногийн турш одоо явах цаг нь болсон хэмээн тэдэнтэй маш тодорхой холбогдохыг хичээсэн. Мөн бид цаашид энэ саналаа улам бататгах болно" гэжеЕрөнхий сайд өөрийн цахим хуудаснаа хийсэн мэдэгдэлдээ дурджээ.

Түүний хэлснээр, Австралийн Сайд нарын танхимын Үндэсний аюулгүй байдлын хорооны хуралдааны хэлэлцэх асуудлын нэгдүгээрт Украины нөхцөл байдал орсон байна.

"Украинд амьдардаг австраличуудын дийлэнх нь Украинд тогтмол амьдардаг. Тэдний олонх нь давхар иргэншилтэй" гэж С.Моррисон тайлбарлав. "Хэрэв та явахыг хүсч байгаа бол яг одоо цаг нь болсон" гэж ерөнхий сайд хэлэв.

Австралийн засгийн газрын тэргүүн мөн Оросыг "энэ асуудлыг шийдвэрлэхийг хүсч буй бусад оронтой үргэлжлүүлэн хэлэлцээ хийхийг" уриалав. Энэ долоо хоногт Мельбурн хотод Австрали, Энэтхэг, АНУ, Японтой дөрвөлсөн яриа хэлэлцээний Гадаад хэргийн сайд нарын уулзалт болно гэж С.Моррисон сануулав. "Энэ нь бидний хамтын аюулгүй байдлын асуудлыг хэлэлцэх дараагийн боломж болно" гэж Моррисон хэлэв.

Австралиас Украинд суугаа Элчин сайд Брюс Эдвардс мөн зэвсэгт мөргөлдөөн гарах эрсдэлтэй тул улсынхаа иргэдийг Украиныг орхин явахыг уриалсан тухай өмнө нь мэдээлсэн бөгөөд Австралийн дипломатчдын гэр бүлийн гишүүд аль хэдийн явсан байна.

Москвад Украины эргэн тойронд нөхцөл байдлыг хурцатгах гэсэн Оростой холбоотой төлөвлөгөөг эрс няцааж, хэнд ч заналхийлээгүй гэдгээ байнга мэдэгддэг бөгөөд энэ бүх мэдэгдлүүд нь Оросын хилийн ойролцоо НАТО-гийн цэргийн техник хэрэгслийг нэмж байрлуулах шалтаг болгон ашиглаж байна гэж үздэг. ОХУ-ын Гадаад хэргийн сайд Сергей Лавров өмнө нь хэлсэнчлэн, Орос Украины эргэн тойронд мөргөлдөөн үүсэх ямар ч шалтгаан байхгүй. Түүний хэлснээр, Украины эргэн тойрон дахь өрнөдийнхний өдөөн хатгалга нь Донбассын асуудлаарх минскийн хэлэлцээрийг сүйтгэх Киевийн шугамыг нуун дарагдуулах зорилготой байхыг Орос үгүйсгэхгүй байна.

Эх сурвалж: www.ria.ru