З.БАТЦЭЦЭГ

Австралийн Байгаль, усны нөөцийн сайд Кит Питт Оросын байгалийн хийн нийлүүлэлтийг бууруулсан тохиолдолд бууруулсан байгалийн хийг (LNG) Европ руу хүргэхэд бэлэн байгаагаа мэдэгдэв. Энэ тухай The Australian мэдээллээ.

"Австралийн шингэрүүлсэн хий экспортлогчид бол дэлхийн хэмжээнд эрчим хүч нийлүүлэх чадвартай, найдвартай ханган нийлүүлэгч дэлхийн тэргүүлэгч компаниуд юм" гэж сайд хэлэв.

Австрали дэлхийн өсөн нэмэгдэж буй эрэлт хэрэгцээг хангаж, байгалийн хийг найдвартай ханган нийлүүлэгч хэвээр байж чадна гэж тэр хэлэв.

ОХУ Украинд “түрэмгийлэн” орж, нийлүүлэлт тасалдсан тохиолдолд Европт нэмэлт хий нийлүүлэх боломжийн талаар АНУ дэлхийн эрчим хүчний томоохон компаниудтай хэлэлцээ хийж байгаа тухай мэдээлсний дараа Питт холбогдох мэдэгдлийг хийсэн байна.

The Australian сонинд мэдээлснээр, Австралийн байгалийн хий олборлогч, боловсруулах компаниудын төлөөлөгчид, Австралийн холбооны засгийн газрын хэд хэдэн сайд нар холбогдох хэлэлцээнд оролцсон байна.

Өнгөрсөн оны намраас хойш барууны хэвлэлүүд, тэр дундаа Украины хэвлэлүүд Оросыг Украинд “том хэмжээний түрэмгийлэл” бэлтгэж байна гэж мэдээлж байсан. Москвад ийм мэдэгдлийг удаа дараа үгүйсгэж байгаа.

Эх сурвалж: www.gazeta.ru