• Зууны мэдээ сонин онлайн захиалга

АНУ-д үзүүлэх шахалтаа нэмэгдүүлэхээ Хятадын ГХЯ амлав

З.БАТЦЭЦЭГ

 

БНХАУ-ын үндэсний эрх ашигт халдсан Вашингтоны үйлдлийн хариуд Хятадын эрх баригчид АНУ-д үзүүлэх шахалтаа нэмэгдүүлэх бодолтой байна. Энэ тухай Хятадын ГХЯ-ны хэвлэлийн төлөөлөгч Ван Вэнбинь АНУ-ын Төрийн нарийн бичгийн дарга Энтони Блинкенгийн Бээжингийн хориг арга хэмжээнд сэтгэл дундуур байгаа талаар тайлбар хийхдээ мэдэгдэв. Тэрбээр "АНУ манай дотоод хэрэгт хөндлөнгөөс оролцож, манай улсын ашиг сонирхолд ноцтой цохилт өгч байна" гэж тэмдэглээд "Бид үндэсний бүрэн эрхт байдлыг хамгаалахын тулд шаардлагатай бүх хариу арга хэмжээг үргэлжлүүлэн авах болно. Сүүлийн хэдэн жилийн хугацаанд АНУ үнэмшилтэй шалтаг, ардчилсан уриа лоозон дор Вашингтоны нэг талын хориг арга хэмжээнд өртсөн Хятадын хэд хэдэн албан тушаалтныг үндэслэлгүй буруутгаж байна. Хятадын тал хуулийн дагуу хариу хориг арга хэмжээ авсан. Энэ алхам нь БНХАУ-ын бүрэн эрх, аюулгүй байдал, хөгжлийн ашиг сонирхлыг хамгаалах зорилготой" гэж тэр тайлбарлав. Харин Э.Блинкен “Хятад улс АНУ-ын Олон улсын шашны эрх чөлөөний комиссын дөрвөн төлөөлөгчийн эсрэг авсан хориг арга хэмжээ нь хүний нийтлэг эрхийг зөрчсөн” гэж мэдэгджээ.

Эх сурвалж: www.polit.mn

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.