З.БАТЦЭЦЭГ

 Францын ерөнхийлөгчийн сонгуульд нэр дэвшигч Эрик Земмурын сонгуульд ялах магадлалын талаар Бельгийн улс төр судлаач Бенжамин Бьяр ярилцлага өгчээ. Тэрээр нэр дэвшигчийг "ганцаардмал" гэж онцлоод, АНУ-ын ерөнхийлөгч асан Дональд Трамптай зүйрлэжээ. Бенжамин Бьяр “Эрик Земмур бол ганцаардмал хүн, системнээс гадуур түүнийг аль ч нам дэмждэггүй. Тэрээр Дональд Трамптай төстэй нь хэвлэл мэдээллийн салбараас гаралтай. Харин  ялгаатай нь Земмор  сэхээтэн” гэв. Мэргэжилтнүүдийн үзэж буйгаар Э.Земмур эхний шатанд Марин Ле Пенийг ялж чадвал, хоёр дахь шатны санал хураалтад Ле Пений сонгогчдын дэмжлэгээр одоогийн ерөнхийлөгч Эммануэль Макронтой өрсөлдөж болох юм. “Земмур саяхан сонгуулийн өмнөх санал асуулгаар Ле Пенийн өмнө хоёрдугаар байрт орсон. Гэхдээ   энэ нь удаан үргэлжилсэнгүй. Дараачийн санал асуулгаар түүний нэр гуравт орсон байна. Ле Пен түүнээс эмээх хэрэгтэй. Тэд өрсөлдөгчид. Ле Пен хоёрдугаар байраа эргүүлэн авсан ч байдал өөрчлөгдөж магадгүй" гэж Бьяар хэлжээ. Земмур сонгуульд нэр дэвшснээр Францын улс төр анх удаа баруун болон хэт барууны үзэлтэн гэж хоёр хуваагджээ. Ингэснээр тус оронд амьдардаг олон үндэстний соёл, цагаачлалын тоог бууруулах, аюулгүй байдлын асуудал, Франц дахь Исламын байр суурь зэрэг олон асуудал хөндөгдөж байгаа юм. “Францын ерөнхийлөгчийн сонгуулийн эхний шат 2022 оны дөрөвдүгээр сарын 10-нд, хоёр дахь нь тус сарын сарын 24-нд болно.

Эх сурвалж: www.ria.ru