З.БАТЦЭЦЭГ

Дэлхийн Анагаах Ухааны Нийгэмлэгийн дарга Фрэнк Ульрих Монтгомери шинэ омикрон коронавирус нь Эбола вирус шиг аюултай байж болзошгүй гэж санаа зовж байна. Монтгомеригийн хэлснээр, мутацийн аюулын талаар нарийн мэдээлэл хараахан гараагүй байгаа ч вирус маш хурдан тархаж байна гэжээ.

 Одоо Өмнөд Африкад бүртгэгдсэн омикрон омгийг Дэлхийн эрүүл мэндийн байгууллагаас санаа зовоосон коронавирусын шинэ хувилбар гэж үзэж байна. "Миний хамгийн их айж байгаа зүйл бол энэ омог дельта шиг халдварлах чадвар ихтэй, Эбола шиг аюултай" гэж Монтгомери хэлэв.

“Цар тахлын эхэн үед бид үүний тархах хүрээг дутуу үнэлсэн. Тэр үед би ч бас үүнийг нэг төрлийн ханиад гэж бодож байсан. Дараа нь бид сүргийн дархлааг бий болгож чадна гэж шийдсэн. Гэтэл "дельта" буюу маш халдвартай омог бий болсон" гэж Дэлхийн эрүүл мэндийн нийгэмлэгийн тэргүүн хэлэв.

Коронавирусын шинэ омгийг омикрон гэж нэрлэсэн. Сүүлийн долоо хоногт COVID-19-ийн халдварын тоо огцом өссөн нь шинэ омог илэрсэнтэй давхцаж байгааг ДЭМБ тэмдэглэв.

Эх сурвалж: www.polit.mn