З.БАТЦЭЦЭГ

Германчуудын ихэнх нь коронавирусын эсрэг вакцинд хамрагдана эсвэл өвөл дуусахаас өмнө үхэх болно гэж Германы Эрүүл мэндийн сайд Йенс Шпан хэлсэн байна. Мөн “Магадгүй энэ өвлийн эцэс гэхэд Германд бараг бүх хүн вакцинд хамрагдана эсвэл өвдөөд эдгэнэ эсвэл үхэх болно. Германд олон эмнэлэг "маш хүнд нөхцөл байдалд байна" гэж онцолжээ. Германд сүүлийн хэдэн долоо хоногт цар тахал дэгдсэнээс хойш хамгийн их өвчлөл бүртгэгдээд байгаа юм. Роберт Кох хүрээлэнгийн ерөнхийлөгч Лотар Уилерийн хэлснээр тус улсад одоогоор 500 мянга гаруй коронавирусын идэвхтэй тохиолдол бүртгэгдээд байна. “Герман тэр чигээрээ дэгдэлтийн том бүс нутаг болоод байна. Энэ бол үндэсний хэмжээний онцгой байдал" гэж тэр онцлон тэмдэглэв. Германы оршин суугчдын 70 гаруй хувь нь коронавирусын эсрэг заавал вакцин хийлгэхийг дэмжиж байгаа гэж “Spiegel” сэтгүүл мэдээлж байсан.

Эх сурвалж: www.polit.mn