З.БАТЦЭЦЭГ

Тагнуулын төв газрын дарга Уильям Бернс Украины эсрэг үйл ажиллагаа явуулахыг зөвшөөрөхгүй гэдгийг сануулахын тулд урьдчилж мэдэгдэлгүйгээр Москвад ирсэн юм.

 “Украинтай хиллэдэг хилийн ойролцоо ОХУ цэргээ нэмэгдүүлж байгааг анхааралтай ажиглаж байгаа гэдгээ Кремльд анхааруулах гэж  АНУ-ын ерөнхийлөгч Жо Байден Тагнуулын төв газрын дарга У.Бернсийг энэ долоо хоногт Москва руу илгээсэн” хэмээн CNN мэдээлж байна.

У.Бернс Орост хийсэн айлчлалынхаа дараа Украины ерөнхийлөгч Владимир Зеленскитэй утсаар ярьж, Киев- Москвагийн хооронд "хурцадмал байдлаа багасга" гэж хэлснийг CNN онцолж байна.

У.Бернс 11 дүгээр сарын 2-3-нд Москвад ирсэн. Тэрээр Аюулгүйн зөвлөлийн нарийн бичгийн дарга Николай Патрушев, Гадаад тагнуулын албаны захирал Сергей Нарышкин нартай уулзжээ.

Уильям Бернс, Николай Патрушев нар Москвад болсон хэлэлцээний үеэр зэвсгийн хяналт, кибер аюулгүй байдлын талаар ярилцсан гэж өмнө нь мэдэгдэж байсан. Энэ талаар Хамилтон дахь Америк коллежийн олон улсын харилцааны профессор Алан Кафруни ярьжээ. Вашингтонд кибер аюулгүй байдлын асуудал онцгой анхаарал татаж байгааг улс төр судлаач онцлов.

Эх сурвалж: www.news.ru