З.БАТЦЭЦЭГ

Сүүлийн өдрүүдэд дэлхийн хамгийн том нийгмийн сүлжээ Facebook-ийн эргэн тойронд шуугиан дэгдээд байна. Энэ нь ойлгомжтой, "Интернэт дэх интернэт нэрээ сольж”, ирээдүйн дижитал ертөнцийн дэг журмын шинэ үзэл баримтлалыг тунхаглах үед энэ үйл явдлаас хол байх нь хэцүү юм. Үүсгэн байгуулагч Марк Цукербергийн санаачилсан Facebook-ийн нэрийг Мета болгон өөрчилсөн тухай. Америкчуудын 40 орчим хувь нь ийм ребрендинг хийх талаар сөрөг байр суурьтай байгаа бол 25 хувь нь компанийн шинэ нэрийг сайшааж байна. Гуравны хоёр нь Мета виртуал болон нэмэгдүүлсэн бодит байдлын төслийг ашиглах сонирхолгүй гэж хариулжээ.

Мета ертөнцийг ихэвчлэн залуучууд, түүнчлэн хотын оршин суугчид илүү сонирхож байна. Мөн 51 хувь нь нэрээ өөрчилсөн нь компанийн удирдлагын зүгээс хэвлэл мэдээллийн хэрэгслээр гарч буй сөрөг мэдээллээс өөрийгөө хамгаалах гэсэн оролдлого гэж үзэж байгаа юм. Өнгөрсөн долоо хоногт Facebook нэрээ Мета болгон өөрчилснөө зарласан. Марк Цукерберг “Шинэ брэнд нь хүмүүс дэлгэцээ орхиж, виртуал бодит байдалд байхын үр нөлөөг мэдрэх мета ертөнцийн зорилго” гэжээ. Үүний зэрэгцээ Facebook-д хамаарах программуудын нэр одоохондоо өөрчлөгдөхгүй. Гэхдээ Facebook-д олны танил хүмүүсийн профайлтай "маш төстэй"  хуурамч аккаунтын асуудал байсаар байна.

Эх сурвалж www.ria.ru