З.БАТЦЭЦЭГ
 
Иордан голын баруун эргийн Израилийн суурингуудыг хууль бус гэж Еврокомисс энэ сарын 25-нд гаргасан мэдэгдэлдээ дурджээ. Аравдугаар сарын 24-нд Тель-Авив эдгээр нутаг дэвсгэрт 1355 шинэ орон сууц барина гэж зарласан Израилийн төлөвлөгөөг Европын холбоо буруушаав. “Олон улсын хууль тогтоомжийн дагуу энэ төлөвлөгөө нь хууль бус юм. Энэ нь Израиль, Палестиныг  хэлэлцээрт хүрэхэд гол саад болох болно” гэж Брюссель үзэж байна. Израилийг шинэ бүтээн байгуулалтаа зогсоохыг Европын холбоо уриалав. 
Израиль олон улсын хамтын нийгэмлэгийн эсэргүүцлийг үл харгалзан Иорданы баруун эрэгт нэмэлт байгууламж барихаа өнгөрсөн наймдугаар сард зарласан. Европын холбооны зарим улс орон Тель-Авивыг эдгээр газар нутгийг өөртөө нэгтгэсэн гэж буруутгаад байгаа юм. Иорданын баруун эрэг нь 1967 оноос хойш Израилийн армийн хяналт дор байгаа. Дараа нь Арабын орнуудын эвсэлтэй хийсэн дайны үр дүнд эдгээр болон бусад газар нутгийг Тель-Авив эзэлжээ. Үүнээс хойш тэд алгуурхнаар эдгээр нутаг дэвсгэрт ард иргэдээ суурьшуулж байгаа юм. 

Эх сурвалж: "Зууны мэдээ" сонин 2021.10.27 Лхагва № 211 (6688)