Б.ДОЛЖИНЖАВ

АНУ-ын “Pfizer” болон Германы “BioNTech” эмийн компанийн хамтран бүтээсэн COVID-19-ийн эсрэг Pfizer вакцины нэмэлт тун халдварын эсрэг 95.6 хувийн нөлөө үзүүлж байгааг тогтоожээ. Ингэхдээ нэмэлт тунд хамрагдсан хүмүүсийг гурав дахь тундаа хамрагдаагүй хүмүүстэй харьцуулан судалсан томоохон дүнг танилцууллаа. Дээрх хоёр компани Pfizer вакцины хоёр тундаа эрт хамрагдсан 16 болон түүнээс дээш насны 10 мянган хүнд нэмэлт тун вакцинаа туршжээ. Нэмэлт тунг тариулахад хүний биед аюулгүйн сацуу, халдварлах чадвар өндөртэй дельта хувилбарын эсрэг үйлчилж байгаа нь тогтоогджээ. АНУ-ын Хүнс, эмийн захиргаа COVID-19-ийн “Moderna” болон “Johnson & Johnson”  компаниудын вакцины нэмэлт тунг зөвшөөрөхийн сацуу өөр вакцин хийлгэж болно гэж мэдэгдсэний дараа дээрх судалгааны дүнг танилцууллаа. АНУ-ын Халдварт өвчнийг хянах, урьдчилан сэргийлэх төвийн судлаачдын зөвлөх бүлэг ижил зөвлөмж өгсөн нь ирэх өдрүүдээс тус вакцины нэмэлт тунд зөвшөөрөл олгох нь тодорхой боллоо.
АНУ-ын эмийн агентлагууд суурь өвчтэй болон 65 болон түүнээс дээш насныхан, ажлын газраасаа халдвар авах эрсдэл ихтэй хүмүүсийг халдвараас сэргийлэхийн тулд хоёр дахь тунгаас зургаан сарын дараа Pfizer/BioNTech компанийн вакциныг нэмэлт тундаа тариулахыг зөвшөөрсөн билээ.Питтсбургийн анагаах ухааны их сургуулийн профессор, доктор Валид Геллад нэмэлт тун нь COVID-19-ийн халдварын шинж тэмдэгээс урьдчилан сэргийлэхэд үр дүнтэй ч залуу хүмүүст хөгшин хүмүүс шиг үйлчилж чадах эсэхэд эргэлзэж байгаагаа ярив. Тэрбээр “Нэмэлт тун нь ихэвчлэн ахмад настай хүмүүст үйлчлэх эсэх нь нь одоо ч сонирхол татсан хэвээр байна. Дээрх судалгааны дүнд үндэслэн вакцины хоёр тундаа хамрагдаад халдвар аваагүй 25 настай хүмүүст нэмэлт тунг хийхийг бид хүсэхгүй байна” гэж ярилаа.
 “Вакцины хоёр тунгийн үр нөлөө буурч байна. Учир нь хоёрдугаар тунгаас дөрвөн сарын дараа 96 хувь хүртэлх хэмжээнд халдвараас хамгаалж байсан бол 84 хувьд хүрч буурсан” гэж “Pfizer” компани мэдэгдэв. Зарим орны тухайд нэмэлт тундаа “Pfizer” вакциныг ашиглахыг хэдийнэ зөвшөөрсөн билээ. Нэмэлт тариа хийлгэсэн хүмүүсээс 109 хүн  халдвар авсан бол COVID-19-ийн нэмэлт тун вакциныг хийлгэсэн таван хүн халдвар авчээ.
Туршилтад оролцогчдын 23 хувь нь 65 ба түүнээс дээш насныхан, 55 хувь нь 16-55 насныхан ба дундаж нас нь 53 хувь байна. “Jefferies”-ийн шинжээч Майкл Ий нэмэлт тун нь халдварын шинж тэмдэг удаан хугацаанд илрэхээс хамгаалахад тусалж чадах нь судалгаагаар батлагдсан  гэв. Мөн тэрбээр вакцин нь хүмүүсийн халдвараас хамгаалах чадварыг нэмэгдүүлэх бөгөөд туршилтад хамрагдсан хүмүүсээс хүндэрсэн тохиолдол байхгүй гэж тэмдэглэлдээ дурджээ. Энэ туршилтын нарийвчилсан үр дүнгээ хэвлээд  АНУ-ын Хүнс, эмийн захиргаа, Европын эмийн агентлаг болон бусад зохицуулах агентлагууд руу аль болох хурдан хүргүүлнэ гэж компаниуд мэдэгдэв.

Эх сурвалж: "Зууны мэдээ" сонин 2021.10.25 № 209 (6686)