Токиогийн олимпод оролцогчдоос илэрсэн халдварын тоог нуужээ

2021-09-30
Нийтэлсэн: Админ
 2 мин унших

Б.ДОЛЖИНЖАВ

"Токио-2020" олимпын үеэр таван оролцогч халдвар авч эмнэлэгт хэвтсэн гэж тухайн үед зохион байгуулагчид нь мэдээлж байв. Гэвч бодит байдал дээр 25 хүн олимпийн үеэр халдвар авч, эмнэлэгт хэвтсэн гэдгийг зохион байгуулагчид мягмар гарагт мэдээлэв. Тодруулбал, олимпийн гүйцэтгэх захирал Муто Тоширо “Бидний анх мэдээлсэн таван хүн нь халдвар аваад эмнэлэгт хэвтсэн гадаадын иргэд байсан. Хилийн чанадаас ирсэн иргэд манай эрүүл мэндийн системд хэр их ачаалал нэмж байгааг тодорхойлохын тулд нарийн тоо гаргалаа. Гэтэл Японы оршин суугчид, гадаадаас ирсэн зочдыг оролцуулаад 25 хүн олимпийн үеэр халдвар авч эмнэлэгт хэвтэн эмчлүүлжээ” гэж ярьсан байна.  Тэрбээр энэ тоон мэдээллийг яагаад ийм орой мэдээлж байгаагаа тайлбарласангүй. 
Халдварын тархалтын улмаас Токиогийн олимп нэг жилээр хойшилсон билээ. Энэ хугацаанд тархалт буураагүй боловч халдвар хамгааллын нарийн дэглэмийг баримтлан, үзэгчгүйгээр олимпийг зохион байгуулсан юм. Гэвч олимп эхэлсэн цагаас Токио хотын халдвар эрс нэмэгдэж, наймдугаар сарын сүүлээр өдөрт 25 мянган тохиолдол бүртгэгдэж оргилдоо хүрсэн билээ. Үүнийг иргэдийн зүгээс олон орноос цугларсан 50 мянга орчим тамирчинтай холбож  тайлбарласан. Учир нь Токиогийн олимп болон паралимпийн олимпийн оролцогчдоос нийт 863 тохиолдол илэрсэн  гэж NHK мэдээлжээ. 
Ийн халдварын тархалтыг хумьж чадаагүй гэсэн шалтгаанаар тус улсын Ерөнхий сайд Сүга Ёшихидэ өөрийн хүсэлтээр албан тушаалаа буухаар болсон. Тус улсын шинэ Ерөнхий сайдыг өнөөдөр албан ёсоор  зарлана. Эрх барих намын сунгаанд нийтдээ дөрвөн хүн нэр дэвшиж байна. Тэднээс ялах хамгийн өндөр магадлалтай нь вакцинжуулалтын сайд Таро Коно юм.  Мөн Гадаад хэргийн сайд асан Фүмио Кишида өрсөлдөж байна. Либерал ардчилсан намын даргын сонгуульд сүүлийн 13 жилд анх удаа эмэгтэйчүүд нэр дэвшсэн нь онцлогтой. Тодруулбал,   нэр дэвшигч Санаэ Такайчи, Сэйко Нода Либерал ардчилсан намын даргаар сонгогдвол Япон улс түүхэндээ анх удаа эмэгтэй Ерөнхий сайдтай болно. Өдгөө 60 настай Санаэ Такайчи нь 1993 онд анх парламентад сонгогдсон ба дотоод хэргийн сайд, хүйсийн тэгш эрхийн сайд гэсэн эрх барих намын Засгийн газар дахь гол албан тушаалуудыг хашиж байсан. Харин өдгөө 61 настай Сэйко Нода нь ижил хүйстний гэрлэлтийг дэмжиж, Засгийн газар дахь эмэгтэй гишүүдийн квот тогтоох системийг батлахын төлөө ажилладаг. 

Эх сурвалж: "Зууны мэдээ" сонин 2021.9.30 ПҮРЭВ № 192 (6669)

Ерөнхийлөгч У.Хүрэлсүхийн чөлөөлөгдөх хүсэлтийг парламент “дэнсэлнэ”

Ерөнхийлөгч У.Хүрэлсүх өчигдөр бүрэн эрхийн хугацаанаасаа өмнө чөлөөлөгдөх хүсэлт гаргаж буйгаа мэдэгдлээ. 

4 цаг 58 мин
Тэдэнд ойлгох багш, дэмжих орчин л хэрэгтэй

Хүүхэд бүрийн тэгш суралцах эрхийн төлөө гарын үсгээ зураарай Хүүхэд бүр сургуулийнхаа хаалгаар инээмсэглэн орж, бусдын адил сурч хөгжих эрхтэй.

21 цаг 13 мин
Ерөнхийлөгч У.Хүрэлсүхийн чөлөөлөгдөх хүсэлтийг УИХ-ын чуулганаар хэлэлцэн шийднэ

Ерөнхийлөгч У.Хүрэлсүхийн чөлөөлөгдөх хүсэлтийг УИХ-ын чуулганаар хэлэлцэн шийднэ

21 цаг 43 мин
А.Үйлстөгөлдөр: Ерөнхийлөгч үүрэгт ажлаас чөлөөлөгдөх хүсэлтээ өнөөдөр өгнө

А.Үйлстөгөлдөр: Ерөнхийлөгч үүрэгт ажлаас чөлөөлөгдөх хүсэлтээ өнөөдөр өгнө

21 цаг 47 мин
Төсвийн хуулийн онцлох заалтууд

Засгийн газраас 2026 оны наймдугаар сарын 31-ний өдөр өргөн мэдүүлсэн Монгол Улсын 2027 оны ул

Өчигдөр 06 цаг 00 мин
2026.11.16: Улстөрчдийн хэн, юу хэлэв

Намын бүлгүүд өчигдөр хуралдаж, тодорхой асуудлаар шийдвэр гаргалаа. Улс  төрийн мэдэгдлүүдийг онцлон хэн юу хэлснийг тоймлон хүргэж байна.

Өчигдөр 06 цаг 00 мин
Д.Ганбат: Ардчилсан үзэл баримтлалтай Ерөнхийлөгчтэй болж, улс орноо зөв залах нь чухал байна

УИХ-ын гишүүн Д.Ганбатын байр суурийг хүргэе.

Өчигдөр 06 цаг 00 мин
Голомт банк “Euromoney Awards”-ын дөрвөн төрөлд шилдгээр шалгарлаа

Дэлхийн банк санхүүгийн салбарын чиг хандлагыг тодорхойлогч

Уржигдар 15 цаг 55 мин
Өвөрхангай аймгийн Засаг даргаар Т.Жамбалцэрэнг томилжээ

Өвөрхангай аймгийн Засаг даргаар Т.Жамбалцэрэнг томиллоо

Уржигдар 14 цаг 12 мин
Грекийн бурхад Ноён уулд, Хүннүгийн өв Миланд

Fondazione Prada (Прада сан) -гийн “Global Antiquity” үзэсгэлэнгээс хийсэн тэмдэглэл

Уржигдар 06 цаг 00 мин