Б.ДОЛЖИНЖАВ

Зай барих дэглэм баримтлахгүйгээр туслахтайгаа үнсэлцсэн зургийг “Sun”  сонин нийтэлсний дараа Английн Эрүүл мэндийн сайд Мэтт Хэнкок огцрох өргөдлөө өгчээ. Тэрбээр Ерөнхий сайдад өгсөн өргөдөлдөө “Цар тахлын энэ хэцүү цаг үед бүхнээ золиосолсон хүмүүсийн төлөө огцрох нь шударга үйлдэл мөн. Эдгээр дүрмийг гаргасан хүмүүс өөрсдөө мөрдөх ёстой. Тиймээс би огцрох ёстой. Одоогийн Ерөнхий сайд Эрүүл мэнд болон нийгмийн хамгааллын нарийн бичгийн даргаасаа огцорч байхыг би харсан. Дүрэм зөрчсөндөө гэр бүл болон ойр дотны бүх хүнээсээ уучлал гуйж байна” гэж бичжээ.

Гэвч Борис Жонсон түүний өргөдлийг хүлээн авсандаа харамсаж байгаа илэрхийлжээ. Тэрбээр “Мэтт Хэнкокын хийсэн бүхнээр бахархаж байна. Дан ганц цар тахлын үед ч биш түүнээс өмнө үүрэгт ажлаа маш сайн гүйцэтгэж байсан. Төрийн албанд оруулсан хувь нэмэр тань эцэслэхгүй гэдэгт итгэж байна. Дэмжлэг бүхэнд тань талархлаа” гэв.

Мэтт Хэнкок болон  Эрүүл мэндийн газрын гүйцэтгэх захирал Жина Коладангело нар хоёул гэр бүлтэй төдийгүй  Хэнкок гурван хүүхэдтэй аж. Тэдний үнсэлцэж буй зургийг тавдугаар сарын 6-нд Эрүүл мэндийн яаманд авсан тухайгаа “Sun”  сонин мэдээлжээ.

Мэтт Хэнкок огцрохоос гадна Жинатай үүсгэсэн харилцаанаасаа үүдэн 15 жил ханилсан эхнэрээсээ салж болзошгүй хэмээн таамаглаж байна. Жина ч мөн гүйцэтгэх захирлын албаа хүлээлгэн өгчээ.Эрүүл мэндийн шинэ сайдаар 2019-2020 онд Сангийн сайдаар ажиллаж байсан, өмнө нь Дотоод хэргийн сайд байсан Сажид Жавид томилогдсон байна.

Эх сурвалж: BBC