Б.ДОЛЖИНЖАВ

COVID-19 цар тахлын үүсэл гарал одоог хүртэл тодорхойгүй байна. Тиймээс энэ халдварын үүсэл гарлыг судлах дараагийн шатны судалгаанд АНУ тэргүүлэх ач холбогдол өгөх хэрэгтэй гэж Хятадын ахлах эпидемиологич өнөөдөр мэдэгдлээ.Учир нь АНУ-ын Эрүүл мэндийн үндэсний хүрээлэнгийн энэ долоо хоногт нийтэлсэн тайланд анхны COVID-19-ийн тохиолдлыг зарлахаас долоо хоногийн АНУ-ын таван мужид хамгийн багадаа долоон хүн SARS-CoV-2 халдвар авсан талаар дурджээ. Гэхдээ Бээжингийн зүгээс хилээр орж ирсэн хөлдөөсөн хүнсээр дамжин Хятадад COVID-19 халдвар тархсан хэмээн үзэж байгаа бол гадаадын зарим орон Уханийн лабораториос алдагдсан байх магадлалтай хэмээн үзэж шалгалт хийхийг шаардаж байгаа.Цар тахлын гарал үүслээс үүдэн АНУ болон Хятадын харилцаа маш их муудсан билээ.

Хятад болон ДЭМБ хамтран гуравдугаар сард хийсэн судалгаагаар COVID-19 халдвар нь зэрлэг амьтдаас тархсан байх магадлалтай гэсэн дүн гарсан. Ингэхдээ сарьсан багваахайнаас өөр амьтны төрөл зүйлээр дамжин хүнд халдсан гэсэн дүгнэлтэд санал нэгдээд байгаа юм. Үүнээс гадна энэ халдвар өнгөрсөн оны есдүгээр сард Европын орнуудад тархсан гэсэн таамаглал мөн бий.

Энэ талаар  Хятадын Гадаад хэргийн яамны хэвлэлийн төлөөлөгч Жао Лижиан “COVID-19 халдвар олон эх үүсвэртэй нь тодорхой болсон. Тиймээс бусад орнууд ДЭМБ-тай хамтран судалгаа хийх хэрэгтэй” гэж мэдэгджээ.

Эх сурвалж:Reuters