Х.ОЮУНБОЛД

АНУ-ын Техас мужийн захирагч, Бүгд найрамдах намын Грег Аббот өчигдөр 21-ээс дээш насны  ямар ч хүн зөвшөөрөл авалгүйгээр  галт зэвсэг эзэмших, олон нийтийн газар чөлөөтэй авч явахыг зөвшөөрсөн  хуулийн төсөлд гарын үсэг зурна гэж “Техас Трибун” сонинд бичжээ. Үндсэн хуулиар галт зэвсэг авч явах тухай хууль гэж танигдсан энэ шинэ арга хэмжээний дагуу есдүгээр сарын 1-нээс насанд хүрсэн хүнд  буу авч явах эрхийг олгох аж. Гэхдээ хүмүүсийн гэмт хэрэг үйлдэж байсан эсэхийг шалгалгүйгээр болон төрийн хууль тогтоомжид зааснаар  галт зэвсэг эзэмшиж сурах сургалтанд суух шаардлагагүйгээр буу авч явах эрхтэй болох юм. Түүнээс гадна энэ төсөлд гарын үсэг зурснаар бичгийн болон буудлагын шалгалт өгөх журмыг цуцалж байгаа аж. Харин Техас мужийн захирагчийн шийдвэрийг АНУ-ын иргэд галт зэвсэг эзэмших эрхтэй болохыг хүлээн зөвшөөрсөн   хоёр дахь үндсэн хуулийн шинэчлэлээр батлагдсан өөрчлөлтийг хамгаалахын тулд үүнийг нь сүүлийн үед хүчин чармайлт гэж үзэж байгаа Бүгд найрамдах намын удирдлагууд сайшаасан байна. Гэхдээ сенатч Мэтт Шефер энэ оны эхээр хуулийн төслийг санал болгосон ч хуулийг няцааснаас гадна  иргэний нийгмийн  олон байгууллага шүүмжилжээ. Хуулийн төслийг эсэргүүцэгчид энэ шинэ заалтууд нь иргэдэд болон цагдаагийнхныг үүргээ биелүүлэхэд нь аюул учруулж болох гэмт хэрэгтнүүдийг галт зэвсэгтэй болох боломжтой болно гэж мэдэгдсэн байна. Грег Аббот шинэ хуульд  дэд захирагч Дэн Патрик, Төлөөлөгчдийн танхимын дарга Дэйд Фелан болон галт зэвсэг болон Үндэсний винтов эзэмших холбооны ажилтнууд оролцсон Сан Антонио хотын Аламод болох  нэг ажиллагааны үеэр гарын үсэг зурах юм байна.

Эх сурвалж: www.polit.mn