Х.ОЮУНБОЛД

Олон улсын агаарын тээврийн холбооноос 20 гаруй орон тавьсан хоригоо бүрмөсөн болон хэсэгчилсэн хэлбэрээр COVID-19-ийн эсрэг дархлаа тогтоох урьдчилан сэргийлэх тариаг хийлгэсэн аялагчдад тавьснаа цуцалсан гэж мэдэгджээ. Мөн хамгийн сүүлийн үеийн мэдээллээр энэ орнууд урьдчилан сэргийлэх тарилга хийлгэсэн бүх хүнийг хязгаар хориггүй аялах боломж олгохыг  дэмжиж байна гэж гаргасан мэдэгдэлдээ тэмдэглэсэн байна. Түүнээс гадна урьдчилан сэргийлэх тарилга хийлгэх боломжгүй тохиолдолд хөл хорионд хамрагдалгүйгээр аялах боломжийг үнэ төлбөргүй сорил өгөх боломжоор хангаж баталгаажуулах ёстой гэж нэмж дурджээ. Олон улсын агаарын тээврийн холбооны захирал Вилли Уолш энэ урьдчилан сэргийлэх тариа нь цар тахлаас зөвхөн хүмүүсийг хамгаалахаас гадна бусдад халдаах эрсдэлийг мэдэгдэхүйц бууруулж байгаа нотолгоо бий гэж мэдэгдсэн байна. Тэрбээр “Энэ нь биднийг урьдчилан сэргийлэх тариа болон шинжилгээ өгснөөр хөл хориогүй чөлөөтөй аялах боломжтой дэлхийгээр аялах боломжийг ойртуулж байна” гэж мэдэгдэлддээ дурджээ. Түүний хэлснээр Герман болон хамгийн багадаа өөр 20 орон  урьдчилан сэргийлэх тариагаа хийлгэсэн аялагчдад хилээ дахин нээхэд чухал алхмыг хийсэн. Мөн энэ орнуудын өгч байгаа үлгэр жишээг бусад орон удахгүй дууриана гэж үзэж байна хэмээн ярьжээ.

Эх сурвалж: www.polit.mn