Х.ОЮУНБОЛД

“Фэйсбүүк”  болон “Гүүгл” компани АНУ-ын баруун эргээс Азийн зүүн өмнөд том эдийн засгийг бүрдүүлдэг, ухаалаг гар утасны хэрэглэгчдийн тоо эрчтэй нэмэгдэж байгаа Сингапур, Индонез “Ечо”, “Бифрост” гэж нэрлэсэн хоёр том кабелийг усан доор угсрахаар төлөвлөжээ.  Энэ далай дамнасан кабель утсыг татсанаар энэ орнуудын хоорондын интернэт холболтыг сайжруулахаар зорьж байна гэж “Фэйсбүүк”   компани мэдэгдсэн байна.  Тиймээс энэ компани энэ төсөлд хөрөнгө оруулж байгаа бол “Гүүгл” компани  зөвхөн “Ечо” кабелийг угсрах төсвийг зохицуулж  байгаа аж. Гэхдээ төслийн  өртөг  зардал  одоогоор тодорхойгүй байгаа. Учир нь үүнийг нь батлах шаардлагатай юм байна. Фэйсбүүк компанийн  хөрөнгө оруулалтын албаны дэд ерөнхийлөгч Кевин Сальвадори “ Энэ нь Жава тэнгисээр дамжуулан татах шинэ чиглэлийн анхны хоёр кабель болно.  Ингэснээр   транспасифик бүсийн усан доорхи чадвар ойролцоогоор 70 хувиар нэмэгдэнэ” гэж мэдэгдсэнийг “Ройтерс” мэдээлжээ. Мөн Сальвадори болон Фэйсбүүк компанийн цахим сүлжээний хөрөнгө оруулалтын албаны эрхлэгч Нико Рорич нар “Бид илүү олон хүнийг интернэтэд хурдан холбохын төлөө ажиллаж байна” “Фэйсбүүк инженер”-ийн хуудаст тавьсан хамтарсан нийтлэлдээ бичсэн байна. Түүнээс гадна энэ бүх хүчин чармайлтын хэсэг болсон бид энэ хоёр шинэ кабелийг усан доогуур татахын тулд бүс нутгийн болон дэлхийн хэмжээний түнш лидерүүдтэй уулзсанаар баяртайгаар мэдэгдэж байна. Энэ нь Ази, Номхон далай, Хойд Америкийг холбосон шинэ холболтыг баталгаажуулна гэж онцолжээ. Харин усан доогуур татах шинэ  кабелийг татах төсөлд  Индонезийн “Телин”, харилцаа холбооны  “XL Ахиата” компани, Сингапурт төвтэй “Кеппел” компани хамтарч байгаа аж. Тэд 2023 оны сүүлээр “Ечо” төслийг, 2024 оны сүүлээр “Бифрост” төслийг дуусгах зорилготой юм байна.

Эх сурвалж: www.polit.mn