З.БАТЦЭЦЭГ

Оросын дуучин, жүжигчин Алексей Воробьев Америкийн шинэ кинонд ирээдүйн Оросын ерөнхийлөгчийн дүрд тогложээ. Тэрээр “Собеседник”-т өгсөн ярилцлагадаа “Би Оросын ирээдүйн Ерөнхийлөгчийн дүрд тоглосон. Дэлхийн удирдагчдаас анзаарч харсан олон янзын зүйлийг найруулагчид санал болгож байсан боловч, түүнд миний санал илүү таалагдсан” гэжээ.

Оскарын шагналт Жон Войттой хамтарч тоглосон А.Воробьевын байрыг оросуудын илгээсэн зургаар тохижуулжээ. “Кинонд Орос уур амьсгал оруулахын тулд надтай зөвлөлдөж байсан” гэсэн байна.  

А.Воробьев киноны нэрийг хэлээгүй боловч, энэ нь “Рейган” киноны тухай болов уу. Уг кино Рейганы хүүхэд наснаас эхлээд, ерөнхийлөгч байх хугацааг харуулсан бүтээл юм. Дэлгэцнээ гарах хугацаа одоогоор тодорхойгүй байна. Воробьев, Войтоос гадна энэ кинонд Пенелопа Энн Миллер, Мина Сувари, Деннис Куэйд нар тоглосон юм.

Алексей Воробьев анх удаа Америк кинонд тоглож байгаа биш юм. Урьд нь тэрээр Стив Каррел, Жон Малковичтэй хамт Netflix-ийн “Сансрын цэргүүд”-д тоглосон юм. Мөн Америкийн олон ангит “Бодит бус” кинонд тогложээ.

Эх сурвалж: www.kino.mail.ru