Х.ОЮУНБОЛД

Хойд Америкт худалдаа сэргэж байгаа энэ үеэр Канадын “Canadian Pacific Railway” компани Мексик, АНУ, Канад улсыг холбосон анхны төмөр замын сүлжээг бий болгохын тулд “Канзас Сити Соутерн” компанийг худалдаж авснаа мэдэгджээ. “Canadian Pacific Kansas City” гэж нэрлэсэн төмөр замын сүлжээгээр энэ орнуудыг холбох, талуудын хооронд байгуулсан гэрээг бүрдүүлэгч гурван орны худалдааны хөгжлийг эрчимжүүлэхийг зорьж байгаа аж. Компанийн гүйцэтгэх захирал Кит Крил “Хойд Америкийн тээврийн зах зээлд бидний нэвтрүүлэх шинэ өрсөлдөөн нь хурдан хийх боломжгүй. Учир нь энэ гурван орны хооронд байгуулсан худалдааны шинэ гэрээгээр энэ тивийн хангамж нийлүүлэлтийн сүлжээний нэгдлийг  өмнөхөөсөө илүү үр дүнтэй болгож байна” гэж мэдэгдэлдээ дурджээ. Гэхдээ энэ гурван орныг холбосон төмөр замын сүлжээг бий болгохын тулд АНУ-ын тээврийн аюулгүй байдлын байгууллагаас батлахыг хүлээх ёстой юм байна. Энэ төмөр замын сүлжээг байгуулах шийдвэрийг АНУ-ын ерөнхийлөгч Жо Байден хөрш орон Канадын ерөнхий сайд Жастин Трюдо, Мексикийн ерөнхийлөгч Андрес Мануэл Лопес Обрадор нартай ярилцсанаас хойш хэдэн өдрийн дараа гаргажээ.

Эх сурвалж: www.polit.mn