Х.ОЮУНБОЛД

БНХАУ олон оронд тархаад байгаа цар тахлын үеэр эдийн засгийн харилцаагаа бэхжүүлэх болон АНУ-аас шар буурцаг импортолдог Азийн энэ орон хараат байдалд орохоос зайлсхийхийн тулд энэ ургамлын үйлдвэрийг байгуулахын тулд холбоотон болох саналыг ОХУ-д тавьсан байна. БНХАУ дэлхийн хамгийн их шар буурцаг хэрэглэгч орон юм. Тиймээс энэ ургамлыг импортолдог цөөхөн орны тоонд ордог Бразил, АНУ-аас хамаарахгүйн тулд нийлүүлэгч орнуудыг төрөлжүүлэх арга хайж байгаа аж. Гэхдээ БНХАУ-ын ОХУ шар буурцаг нийлүүлэгч гол орон АНУ-ыг орлож чадахгүй гэдгийг мэддэг байна. Учир нь ОХУ хоёр талын хөдөө аж ахуйн салбарын худалдаа өргөжиж байгаа ч Хятадад импортын барааны зөвхөн нэг хувийг нийлүүлдэг аж. Нөгөө талаар БНХАУ хүнс тэжээлийн аюулгүй байдлаа баталгаажуулах зорилгоор хөдөө аж ахуйн салбарын бүх бүтээгдэхүүн болон шар буурцагны үйлдвэрлэлийг нэмэгдүүлэхийг хүсч байна. Ерөнхий сайд Ли Көцян “Энэ бол БНХАУ-ын хөдөө аж ахуйн бодлогын гол асуудал” гэж энэ сарын эхээр мэдэгджээ. Мөн манай орны иргэд хангалттай хоол хүнстэй байхыг баталгаажуулах нь Засгийн газрын үндсэн тэргүүлэх чиглэлийн нэг байсаар байх болно гэв. Түүнээс гадна БНХАУ бүс нутагтаа үр тарианы ургацыг нэмэгдүүлэх болон олон улсын зах зээлд цар тахлын улмаас үүссэн бэрхшээлийг давж гарах зорилгоор үр тарианы үндэсний үйлдвэрлэлд шаардлагатай дэмжлэгийг нэмэгдүүлэхийн тулд их дарамт үзүүлнэ гэж мэдэгдсэн байна. Мөн хоёр орны хооронд 2001 онд байгуулж гарын үсэг зурсан хамтын ажиллагаа, нөхөрлөл, сайн хөршийн гэрээний хугацааг автоматаар таван жилээр сунгахаар болсон гэж БНХАУ-ын Гадаад харилцааны сайд Ван И мэдэгджээ. Тэрээр “Энэ жил талуудын харилцаанд их чухал ач холбогдолтой. Эрүүл хөгжил, тогтвортой харилцааны албан ёсны бат бэх сууринд тулгуурласан шинэчлэл болон өөдрөг байхад хувь нэмрээ оруулсан сайн хөрш, нөхөрсөг хамтын ажиллагааны гэрээг байгуулсны 20 жилийн ойг тэмдэглэж байна” гэв. Мөн ОХУ-ын Гадаад харилцаны сайд Сергей Лавровтой хийсэн хурал эхлэх үеэр бид нөхцөл байдлын улмаас өөрчлөгдсөн нөхцөл байдлыг батлахын тулд шинэ зорилго, утга санаагаар дүүргэх ёстой энэ гэрээний хугацааг автоматаар сунгахаар хэлэлцэж тохиролцсон гэж мэдэгджээ.

Эх сурвалж: www.polit.mn