“Хоёр нам нэгдэн сонгуульд хөндлөнгөөс оролцсон бүх үйлдлийн эсрэг тэмцэх хэрэгтэй”

2021-03-18
Нийтэлсэн: Админ
 2 мин унших

Б.ДОЛЖИНЖАВ

 

АНУ-ын Засгийн газрын системд халдсан, сонгуульд хөндлөнгөөс оролцсон, вакцины талаар худал мэдээлэл тараасан гэсэн сөрөг үйл хэрэг бүрт тус улс ОХУ-ыг буруутгасаар ирсэн. Үүний буухиа одоог хүртэл үргэлжилсээр байна. Тухайлбал, АНУ-ын Ерөнхийлөгчийн 2020 оны сонгуулийн үеэр Ардчилсан намаас нэр дэвшигч Жо Байдены эсрэг үндэслэлгүй хуурамч мэдээлэл тарааж, сонгуулийн үр дүнд нөлөөлөхийг оролдсон хэрэгт ОХУ буруутайг баталсан тайланг АНУ-ын Тагнуулын алба танилцуулав.

Үндэсний Тагнуулын төв газраас танилцуулсан 15 хуудас тайланд  Трампын Москвагийн холбоотнууд Жо Байденыг буруутгасан их хэмжээний мэдээлэл тараасан гэж бичжээ. Энэ талаар Төлөөлөгчдийн танхимын Ардчилсан нам дахь Тагнуулын газрын дарга Адам Шифф “Өмнөх ерөнхийлөгч Трамп ОХУ-ын Тагнуулын албаны Андрей Деркач, Константин Килимник нартай хамтран одоогийн ерөнхийлөгч Жо Байденыг гутаасан, нэр хүндэд нь халдсан мэдээллийг манай улс төрийн системд нэвтрүүлсэн. Оросын нэр бүхий дээрх албан тушаалтнууд Трампын хүрээллээр дамжуулан тагнуулын үйл ажиллагаагаа амжилттай зохион байгуулсан” гэж мэдэгдэв.

Килимник нь 2016 оны сонгуулиар Трампын кампанит ажлыг удирдаж байсан Пол Манафорттой хэлхээ холбоотой гэсэн мэдээлэл өмнө нь цацагдаж байсан. Манафортыг АНУ-ын хуулийн байгууллага гэм буруутайг нь тогтоож, шоронд хорьсон ч Трамп ерөнхийлөгчийн албан тушаалаас буухынхаа өмнөхөн өршөөлөөр суллаж байв. Деркач нь Трампын хувийн өмгөөлөгч, Нью Йорк хотын захирагч асан Руди Жулианитай ойр хамтран ажиллаж, өрсөлдөгчийнх нь нэр төрийг унагах баримт материал цуглуулахад дэмжлэг үзүүлж байсан юм.

Гэхдээ 2016 оны сонгуультай харьцуулахад Оросын хакерууд сонгуулийн  системд халдсан үйлдэл гаргаагүй байна. Харин Ираны тал Дональд Трампын нэр хүндийг унагах мэдээллийн дайн явуулсан бол Хятадын зүгээс сонгуулийн үр дүнд нөлөөлөх ямар нэг оролдлого гаргаагүйг мэдээлжээ. Хоёр нэр дэвшигчийн хэн нь ч ялсан Америк-Хятадын харилцаанд эргэлт гарахгүй гэж Бээжингийн эрх баригчид үзэж байсан нь үүнтэй холбоотой гэж тайлбарласан байна.

Мөн Куба, Венесуэл, Ливаны Хезболлах зэвсэгт бүлэглэл  сонгуулийн үр дүнд нөлөөлөхийг оролдсон ч ОХУ болон Ирантай харьцуулахад бага  цар хүрээтэй байсан юм. Энэ талаар Шифф “Ямар ч үндэстэн манай улсын улс төрийн системд нөлөөлөхийг оролдсоноос үл хамааран хоёр нам хамтдаа нэгдэн сонгуульд хөндлөнгөөс оролцсон бүх үйлдлийн эсрэг тэмцэх хэрэгтэй. Бид гадны оролцоог таслан зогсоож, Америкийн иргэдийн саналаар Америкийн сонгуулийн үр дүнг баталгаажуулах ёстой” гэсэн юм. Харин Сенатын танхим дахь Ардчилсан намын дарга Марк Варнер “Тагнуулын алба сайн ажиллалаа. Бид одоо сонгуульд хөндлөнгөөс оролцох үйлдлүүдийн эсрэг хамгийн сайн хамгаалалтыг бий болгоно. Учир нь манай улсын сонгуульд оролцох гадаадын улсуудын нөлөө үргэлжилсээр байх болно. Манай улсын хуваагдал тэдний нөлөөлөл улам ихсэх үндэс суурийг тавьж магадгүй” гэв. Гэвч ОХУ болон Трамп аль аль нь дээрх дүгнэлтийг эсэргүүцэж байна.

Эх сурвалж: “Зууны мэдээ” сонин

2021.3.18 ПҮРЭВ № 52 (6523)

 

Ерөнхийлөгч У.Хүрэлсүхийн чөлөөлөгдөх хүсэлтийг парламент “дэнсэлнэ”

Ерөнхийлөгч У.Хүрэлсүх өчигдөр бүрэн эрхийн хугацаанаасаа өмнө чөлөөлөгдөх хүсэлт гаргаж буйгаа мэдэгдлээ. 

5 цаг 48 мин
Тэдэнд ойлгох багш, дэмжих орчин л хэрэгтэй

Хүүхэд бүрийн тэгш суралцах эрхийн төлөө гарын үсгээ зураарай Хүүхэд бүр сургуулийнхаа хаалгаар инээмсэглэн орж, бусдын адил сурч хөгжих эрхтэй.

22 цаг 3 мин
Ерөнхийлөгч У.Хүрэлсүхийн чөлөөлөгдөх хүсэлтийг УИХ-ын чуулганаар хэлэлцэн шийднэ

Ерөнхийлөгч У.Хүрэлсүхийн чөлөөлөгдөх хүсэлтийг УИХ-ын чуулганаар хэлэлцэн шийднэ

22 цаг 33 мин
А.Үйлстөгөлдөр: Ерөнхийлөгч үүрэгт ажлаас чөлөөлөгдөх хүсэлтээ өнөөдөр өгнө

А.Үйлстөгөлдөр: Ерөнхийлөгч үүрэгт ажлаас чөлөөлөгдөх хүсэлтээ өнөөдөр өгнө

22 цаг 37 мин
Төсвийн хуулийн онцлох заалтууд

Засгийн газраас 2026 оны наймдугаар сарын 31-ний өдөр өргөн мэдүүлсэн Монгол Улсын 2027 оны ул

Өчигдөр 06 цаг 00 мин
2026.11.16: Улстөрчдийн хэн, юу хэлэв

Намын бүлгүүд өчигдөр хуралдаж, тодорхой асуудлаар шийдвэр гаргалаа. Улс  төрийн мэдэгдлүүдийг онцлон хэн юу хэлснийг тоймлон хүргэж байна.

Өчигдөр 06 цаг 00 мин
Д.Ганбат: Ардчилсан үзэл баримтлалтай Ерөнхийлөгчтэй болж, улс орноо зөв залах нь чухал байна

УИХ-ын гишүүн Д.Ганбатын байр суурийг хүргэе.

Өчигдөр 06 цаг 00 мин
Голомт банк “Euromoney Awards”-ын дөрвөн төрөлд шилдгээр шалгарлаа

Дэлхийн банк санхүүгийн салбарын чиг хандлагыг тодорхойлогч

Уржигдар 15 цаг 55 мин
Өвөрхангай аймгийн Засаг даргаар Т.Жамбалцэрэнг томилжээ

Өвөрхангай аймгийн Засаг даргаар Т.Жамбалцэрэнг томиллоо

Уржигдар 14 цаг 12 мин
Грекийн бурхад Ноён уулд, Хүннүгийн өв Миланд

Fondazione Prada (Прада сан) -гийн “Global Antiquity” үзэсгэлэнгээс хийсэн тэмдэглэл

Уржигдар 06 цаг 00 мин