З.БАТЦЭЦЭГ

Анна Ахматовагийн дурсгалд зориулсан хүндэтгэлийн “Би таны дуу хоолой” цомог гарчээ. Бичлэгт арван жүжигчин, тэр дундаа Полина Гагарина, Тося Чайкина, Лолита нар оролцжээ.

1966 оны гуравдугаар сарын 5-нд яруу найрагч бүсгүй Домодедово дахь гэртээ өнгөрчээ. Цомог Ахматовагийн 10 шүлгээс тогтсон ба бичлэгт нь  Полина Гагарина, Тося Чайкина, Лолита, Елена Темникова, Женя Любич, Эрика Лундмоен, Ах Астахова, ANIKV, pklnalyubvi, IOWA нар оролцжээ. Анна Ахматовагийн шүлэг оролцогч бүрийн сэтгэлийг их хөндсөн тул эдгээр бүсгүйчүүдийг сонгожээ. Тэдний дуу хоолойгоор яруу найраг илүү хурц тод сонсогдоно.

“Хүндэтгэлийн “Би-таны дуу хоолой” цомог нь Анна Ахматовагийн уран бүтээллийн хүндлэлээс төрсөн. Бид зүгээр ч нэг ийм нэр сонгоогүй, түүний шүлэг орчин үеийн дуучин бүсгүйчүүдийн хоолойгоор дамжуулан, бидний цаг үеийн сонсогчдод зориулан, түүний уран бүтээлийг, өнөөдрийг хүртэл амьдруулж байгаа юм. Цомгийн гол утга санаа бол бүх бүсгүйчүүдийг сонсож, ойлгодог байгаасай гэж зорьсон” хэмээн ВКонтакте-ийн продюссер Александр Бостан хэлжээ.

ВКонтакте уг цомог дээр Оросын томоохон бие даасан “Первое музыкальное” лейблтэй хамтарч ажилласан байна. Одоогоор энэ цомогийг ВКонтакте болон ВООМ дээр сонсож болох ба сарын дараагаас өөр сайтуудаас сонсож болох юм байна.  

Эх сурвалж: www.sobaka.ru