Б.ДОЛЖИНЖАВ

Австралийн Засгийн газраас олон нийтийн сүлжээний тэргүүлэх Facebook, Google  компанийг платформ дээрээ мэдээ нийтлэхдээ төлбөр төлдөг болох тухай хууль  боловсруулж байгаагаа пүрэв гаригт зарласан. Үүний дараа Facebook компани Австрали иргэд өөрсдийн хаягаараа мэдээлэл олж авах, хуваалцах эрхийг хаасан юм.Тэгвэл тус улсын иргэдийн мэдээлэл олж авах эрхийг дахин сэргээж байгаагаа Facebook компани өчигдөр зарлалаа.

Австралийн Засгийн газрын хэлэлцэж байгаа хуулиар Facebook дээр мэдээллийн линк байршиж, түүнийг хуваалцсаны тоогоор тухайн хэвлэл мэдээллийн хэрэгсэлд төлбөр төлөх юм. Энэ нь тухайн мэдээллийг Facebook хэрхэн ашиглаж байгааг  үндсээр нь буруу ойлгосон хэмээн маргаан үүсгэж,  Австрали иргэд Facebook хаягаараа дамжуулан мэдээлэл унших, хуваалцах боломжгүй болсон юм. Үүнд Австралийн Засгийн газрын эрүүл мэнд болон онцгой байдлын албаны 100 гаруй цахим сайт багтсан нь сард 17 сая  хүн Facebook-ийг ашигладаг тус улсад ихээхэн хүндрэл учруулсан билээ.

Австралийн төрийн сангийн тэргүүн Жош Фриденберг “Манай улсын санаачилсан хуулийн зорилго нь технологийн тэргүүлэх компаниуд болон мэдээллийн хэрэгсэл хооронд мэдээллийн агуулгын үнэ цэнийн талаар шударга хэлэлцээр хийх юм” гэв.Харин Facebook компанийн мэдээлэл хариуцсан дэд ерөнхийлөгч Кампбелл Браун “Албадан хэлэлцээр хийхгүйн тулд Австралийн Засгийн газар Facebook дээр мэдээлэл  гарч ирэх эсэх шийдвэрийг илүү тодорхой болгоно гэж найдаж байна” гэсэн байна.

 Эх сурвалж:BBC