Б.ДОЛЖИНЖАВ

Английн AstraZeneca компани болон Оксфордын их сургуулийн хамтран бүтээсэн вакциныг яаралтай ашиглах зөвшөөрлийг ДЭМБ даваа гаригт өгчээ. Нэг тун нь хамгийн хямд, хадгалах горим энгийн гэдгээрээ энэ вакцин нь бусдаасаа давуу тал ихтэй юм. Энэ талаар ДЭМБ-ын ерөнхий захирал Тедрос Адханонм Гебрейесус “Бид вакциныг хурдан хугацаанд олон улсад түгээх боломжтой боллоо. Харин одоо үйлдвэрлэлийн хэмжээг нэмэгдүүлэх хэрэгтэй. AstraZeneca вакцин аюулгүй байдлын шалгуурыг давж, халдварын эсрэг өндөр үр дүнтэй нь батлагдсан” гэв. Мөн Өмнөд Африкт тархсан COVID-19-ийн шинэ хувилбарт үр дүнтэй нь батлагдсан байна.

Энэ вакциныг Энэтхэгийн “Serum” хүрээлэн болон Өмнөд Солонгосын “AstraZeneca-SKBio” үйлдвэрт бүтээсэн байна. “Энэ оны нэгдүгээр хагас гэхэд  COVAX хөтөлбөрт нэгдсэн 145 оронд 330 сая гаруй тун вакцинаа хүргэнэ гэдэгтээ итгэлтэй байна. Ингэснээр ядуу, буурай орнуудын хүн амын 3.3 хувь нь хоёрдугаар сарын сүүлээр энэ вакцинд хамрагдаж эхэлнэ” гэж Английн вакцин үйлдвэрлэгч компани мэдэгдэв. AstraZeneca вакциныг насанд хүрэгчдэд 8-12 хоногийн долоо хоногийн зайтай хоёр тунгаар тарих юм.

Эх сурвалж:Reuters