Б.ДОЛЖИНЖАВ

АНУ-ын Нью Йорк хот хүчтэй цасан шуурганы улмаас нислэгүүдээ зогсоож, вакцинжуулалтын төвүүдээ хаалаа. Тодруулбал, даваа гаригийн өдөр Нью Йорк хотод 43 сантиметр, Нью Жерси болон Пеннсилваниа мужуудад 48 сантиметр цас орж, шуурсан юм. Үүнээс үүдэн Нью Йорк хотын 44 мужид онц байдал зарлаад байна.

Салхины хурд 80 километр цагт хүрч хэдэн өдөр үргэлжлэн  цас шуурах магадлалтай хэмээн АНУ-ын Цаг уурын үндэсний төв мэдээлжээ. Тиймээс Нью Йорк хотын захирагч Билл де Блазио даваа гаригаас эхлэн зайлшгүй шаардлагагүй хөдөлгөөнийг зогсоож, өнөөдрөөс эхлэн улсын сургуулиудыг хаах шийдвэр гаргалаа.

Харин Нью Жерси мужийн захирагч Филип Мерфи автобус болон төмөр замын хөдөлгөөнийг зогсоогоод байна. Энэ шуурганы улмаас дээрх хот, мужуудад 1600 гаруй нислэгийг цуцалжээ. Энэ талаар Нью Йорк хотын мужийн захирагч Эндрю Куомо “Үнэхээр аюултай нөхцөл байдал үүслээ. Цаашид цаг агаар маш хурдан муудаж, амьдрал улам хүндэрч болзошгүй байна” хэмээн ярьжээ. 

Вашингтон хотод ням гаригт цас хэвийн хэмжээнд орсон. Энэ нь өнөөдрийг хүртэл үргэлжлэх төлөвтэй байгаа тул тус хотынхон цасан шуурганд бэлтгэж эхэлжээ.

Эх сурвалж:BBC