Б.ДОЛЖИНЖАВ

АНУ-ын цаг уурын элч Жонн Керри ирэх арваннэгдүгээр сард Их Британид болох НҮБ-ын цаг уурын дээд хэмжээний уулзалтыг “Дэлхийн хүрээлэн буй орчны хамгийн хэцүү нөхцлөөс урьдчилан сэргийлэх хамгийн сүүлийн боломж” хэмээн мэдэгдлээ. Тэрээр уур амьсгалын өөрчлөлтөд итгэдэггүй ерөнхийлөгч Дональд Трампын үед энэ асуудал орхигдсон гэдгийг онцолж, уур амьсгалын өөрчлөлтөөс сэргийлэхийн тулд дэлхий нийтээрээ нэгдэх ёстой гэв.

 Энэ тухайгаа тэрээр “Парисын хэлэлцээрт нэгдэн орох хангалттай алхам биш. Дэлхийн нийт утааны 90 хувь нь АНУ-ын хилийн цаана ялгарч байна. Үүнийг маргааш тэг болгосон ч асуудлыг шийдэж чадахгүй” гэж ярилаа.              

Парисын хэлэлцээрт дахин нэгдэхээ эхний өдрөө илэрхийлсэн Америкийн шинэ ерөнхийлөгчөөр сонгогдсон Жо Байден уур амьсгалын өөрчлөлтийг шийдвэрлэхэд чиглэсэн олон тушаалд гарын үсэг зурсан билээ. Тухайлбал, нийтийн эзэмшлийн газар дахь газрын тос болон байгалийн хийн түрээсийн үйл ажиллагааг царцаах, 2030 он гэхэд салхины эрчим хүчийг хоёр дахин нэмэгдүүлэх зарлигт гарын үсэг зураад байна.

Эх сурвалж:CNN