Б.ДОЛЖИНЖАВ

Хэдэн сар үргэлжилсэн дуулиан шуугианы эцэст ДЭМБ-ын судлаачдын баг БНХАУ-ын Ухань хотод очиж, цар тахлын эх үүсвэрийн судалгааны ажлаа эхлүүлээд байна. Гэвч зарим судлаач халдварын эх үүсвэрийг эрт судлан тогтоож, урьдчилан сэргийлэх арга хэмжээг хурдан хугацаанд авсан бол тархалтыг зогсоох боломжтой байсан хэмээн ДЭМБ болон Хятадыг шүүмжилж байна.

Тодруулбал, Швейцарьт төвтэй Цар тахлын бэлэн байдал ба хариу арга хэмжээний бие даасан зөвлөл хоёр дахь илтгэлдээ “Хубэй мужийн нийслэл Ухань хотод халдварын анхны тохиолдол бүртгэгдэхэд Хятадын эрх баригчид бүх нийтийн эрүүл мэндийг хамгаалах эрчимтэй арга хэмжээ авах боломжтой байсан. Вирусын анхны тохиолдол  2019 оны арванхоёрдугаар сарын 12-29-ний хооронд бүртгэгдсэн гэж хотын захиргаа мэдэгдсэн. Гэвч ДЭМБ арванхоёрдугаар сарын 31-нийг хүртэл мэдээллээгүй. Мөн АНУ, Тайланд, Өмнөд Солонгос, Япон гэсэн улсуудад халдвар тархсаны дараа Хятад улс нэгдүгээр сарын 23-нд хөл хорио тогтоосон. Энэ хүртэл ДЭМБ яагаад хуралдаж, онц байдал зарлаагүй нь тодорхойгүй байна. Халдвар олон улсад тархаж 118 мянган хүн халдвар авч, 4000 мянган хүн нас барсныг хэвлэл мэдээллийн хэрэгслээр зарлаад байхад гуравдугаар сарын 11 хүртэл цар тахал гэж зарлаагүй” гэжээ.

Эх сурвалж:CNN