З.БАТЦЭЦЭГ

Блогер Илья Варламов, “Оросын хамгийн аюултай хот бол Кызыл гэж нэрлэсэн нь зүгээр шуугиан дэгдээх зорилготой. Хотод гэмт хэргийн бүлэглэл байхгүй, гудамжаар явахад аюулгүй” гэж Тувагийн Сангийн яамны дэд сайд, урьд нь рэп дуучин байсан Белек Анай-оол  “Газета.ру” сайтад ярьсан байна.

Саяхан урбанист, блогчин Илья Варламов хамгийн аюултай 10 орныг нэрлэсэн юм. Нэгдүгээр байранд Кызыл, хамгийн сүүлчийн байранд Москва оржээ.

“Манай Кызылд тийм нөхцөл байдал байхгүй. Статистик авч үзвэл ихэнх нь ахуйн чанартай хэрэг л байгаа. Манайд Москва, Алс Дорнод, өөр бусад бүс шиг бүлэглэл, рэкет, бусдын хөрөнгийг булаан дээрэмдэх хэрэг гардаггүй. Миний бодлоор блогчин хэт нэг талыг барьсан бодлоготой байна. Алс холын 90-ээд оны Кызыл аюултай гэсэн ойлголт үлдсэн бололтой. Би бол хотоор тайван явдаг” гэж Белек хариуллаа. Тэрээр нэмж “Варламов дэмий ингэж Кызылыг буруутгасан. Ер нь нийгэмд үймээн дэгдээхгүйн тулд энэ сэдвийг хөндөх хэрэггүй. Тэр зүгээр пиар хийж, шуугиан дэгдээх зорилготой байсан юм болов уу? Манай ард түмэн эв найрамдалтай, зочломтгой улс. Ирээд хотын төвөөр зугаалаад үзээрэй. Ямар ч асуудал үүсэхгүй. Манай улсын ерөнхийлөгч Владимир Владимирович Путин үе үе манайд ирж амардаг. Энэ нь манайх байгаль сайтайн шинж. Ер нь манайд ирцгээгээрэй, урьж байна” гэсэн байна.  

Эх сурвалж: www.gazeta.ru