Б.ДОЛЖИНЖАВ

Мексик улс цар тахлын эсрэг бүх нийтийн вакцинжуулалтыг өчигдөр эхлүүлсэн. Ингэснээр тус улсын сувилагч  АНУ, Германы хамтарсан “Pfizer” вакцин тариулсан Латин Америкийн анхны хүн болсон юм. Мексик улс энэ вакцинаас 34 сая тунг захиалснаас 3000 тунг нь өчигдөр Бельги улсаас хүлээн авсан юм. Учир нь АНУ, Бразил, Энэтхэгээс гадна цар тахлын нас баралт өндөр хувьтай байгаа улс нь Мексик юм.  Өнөөдрийн байдлаар тус улсад 1.3 сая хүн халдвар авч, 121 мянган хүн нас бараад байна. Тиймээс ирэх оны эхний хагас гэхэд бүх эрүүл мэндийн ажилтнуудаа хамруулахаар төлөвлөжээ.

 Үүний дараагаар 600 мянган хүн халдвар авсан Чили,  163 мянган халдвар бүртгэгдсэн Коста Рика улс “Pfizer” вакцинд иргэдээ хамруулж эхэлснээ зарласан юм.  Харин 1.6 сая хүн халдвар авч, 42 мянган хүн нас барсан Аргентин улс ОХУ-ын “Sputnik V” вакцинд иргэдээ хамруулахаар болж, 300 мянган тунг  Москвагаас пүрэв гаригт хүлээн авчээ. Латин Америкаас цар тахалд хамгийн их өртсөн Бразил улс хоёрдугаар сарын дунд үе хүртэл вакцинжуулалтыг эхлүүлэхгүй гэдгээ ерөнхийлөгч Жайр Болсонароу мэдэгдсэн байна.

Эх сурвалж:BBC