З.БАТЦЭЦЭГ

Хүний эрхийг хамгаалагчдын 2020 оны тоймоос үзэхэд ял эдэлж байгаа сэтгүүлчдийн талаас илүү хувь нь Хятад, Саудын Араб, Египт, Вьетнам, Сирийн шоронд байна.

Дэлхий даяар ажлаа хийж яваад шоронд орсон хэвлэлийн ажилтнууд багадаа 387 байна. Энэ тоог арванхоёрдугаар сарын 14-нд олон улсын хүний эрхийг хамгаалах  “Хил хязгааргүй сурвалжлагчид” байгууллагаас оны эцэст гаргадаг тоймдоо мэдээлжээ.

Талаас илүү хувь нь (61%) таван орны шоронд байна. Үүнд: Хятад (117), Саудын Араб (34), Египт (30), Вьетнам (28), Сиpи (27). Өөр 54 сэтгүүлч хулгайлагдсан гэсэн мэдээлэл байна. Үүнээс гадна энэ жил дөрвөн сэтгүүлч ор сураггүй алга болжээ.

Цар тахлыг мэдээлсэн хэргээр хэдэн арван сэтгүүлч түр хугацаанд хоригджээ. Энэ тоймд өгүүлснээр 2020 оны хавраас эхлэн цар тахал түүний үр дагаврын талаар мэдээлснээс болж хэдэн арван сэтгүүлч шоронд хоригджээ.

Үүнээс гадна зөвхөн Беларусьд наймдугаар сарын есөнд Александр Лукашенког Ерөнхийлөгчийн сонгуульд ялсан гэж зарламагц 370 гаруй хэвлэлийн ажилтанд богино хугацаанд баривчлагдан улс орон даяар олон нийтийн эсэргүүцэл дэгджээ.

Эх сурвалж: www.m.dw.com