З.БАТЦЭЦЭГ

В.К.Арсеньевын нэрэмжит бүх Оросын уран зохиолын “Алс Дорнод” шагнал 12 дугаар сарын 18-нд ялагчдаа тодруулжээ. “Хагас шигшээ”-д үлдсэн есөн зохиолчоос гурвыг нь шалгаруулж, зохиолч тус бүрт 500 мянган рублийн шагнал өгчээ. Шагналтнуудын богино жагсаалтыг 11 дүгээр сарын 30-нд зарласан. Үүнд гурван чиглэлээр арван бүтээл орсон. Шагналд гурван роман, хүүхдийн гурван бүтээл, гурван тууж шалгаруулсан.

- В.К.Арсеньевын нэрэмжит бүх Оросын уран зохиолын “Алс Дорнод” шагналын шүүгчид орохоосоо өмнө “Хүүхдийн зохиол”-д нэр дэвшсэн зарим зохиолчдын бүтээлийг би мэддэг байсан. Харин роман, туужийн зохиолчдыг би мэддэггүй байсан. Энэ шагналын ачаар Номхон Далайн Оросын уран зохиолын талаархи миний төсөөлөл өргөжсөн. Ийм ч зорилготойгоор би шүүгчийн бүрэлдэхүүнд орохыг зөвшөөрсөн гэж зохиолч, орчуулагч, уран зохиолын тоймч Михаил Визель хэлжээ.

Бүх Оросын уран зохиолын “Алс Дорнод” шагналыг ОХУ-ын Засгийн газрын дэд дарга, Алс Дорнодын бүрэн эрхт төлөөлөгч Юрия Трутневын санаачлагаар зохиожээ.

Эх сурвалж: www.rg.ru