Б.ДОЛЖИНЖАВ
“АНУ-ын Ерөнхийлөгч Дональд Трампын Засгийн газрын гишүүд коронавирусын эсрэг вакцинд хамрагдсан эхний хүмүүс боллоо” гэж Цагаан ордон мэдээллээ. Pfizer болон BioNTech компанийн хамтран бүтээсэн вакциныг халдвараас 95 хувь хамгаалж, хүний биед сөрөг нөлөөгүй хэмээн тус улсын Хүнс, эмийн захиргаа үзэж яаралтай ашиглах зөвшөөрлийг баасан гаригт өгсөн юм. Ийн эхний ээлжийн гурван сая тун вакциныг АНУ-ын 50 мужид хуваарилжээ. Тухайлбал, Мичиган муж ням гаригт вакцинаа хүлээн авч, өчигдөр өглөөнөөс эхлэн ахмад настан болон эрүүл мэндийн ажилтнууд нь эхний тун вакциндаа хамрагдаж эхэлсэн байна.
Америкийн хувьд Цагаан ордон, Конгресс, Дээд шүүх гэсэн төрийн гурван том салбарынхаа албан тушаалтнуудыг хамгийн эхэнд вакцинд хамрагдахыг санал болгожээ. Энэ талаар “Вакцинд Засгийн газрын удирдах ажилтнуудыг хамруулах нь ард иргэдийн вакцинд итгэх итгэлийг нэмэгдүүлэх, вакцин аюулгүй, үр нөлөөтэй гэдгийг батлах зорилготой” гэж Үндэсний аюулгүй байдлын зөвлөлийн хэвлэлийн төлөөлөгч Жон Уллёт ярьсан байна. Өмнө нь АНУ-ын төрийн хэд хэдэн удирдах албан тушаалтан халдвар авсан билээ.
Тухайлбал, арваннэгдүгээр сард халдвар аваад эдгэрсэн Ерөнхийлөгч Трамп “Цагаан ордны албан тушаалтнууд вакциныг заавал тусгайлан хийлгэх шаардлагагүй. Миний хувьд вакцинд хамрагдах болоогүй. Гэхдээ хамрагдах тохиромжтой цаг үеийг тэсэн ядан хүлээж байна” гэж твиттертээ бичсэн байна. Харин шинээр сонгогдсон ерөнхийлөгч Жо Байден, дэд ерөнхийлөгч Камала Харрис болон тэдний бүрэлдэхүүн хэзээ вакцинд хамрагдах нь тодорхойгүй байна.
Pfizer вакциныг 21 хоногийн зайтай хоёр тунгаар тарих юм. Маш бага температурт хадгалдаг нь вакциныг нийлүүлэхэд хамгийн их асуудал үүсгэж байна. Гэвч Pfizer компани гуравдугаар сар гэхэд 100 сая вакциныг АНУ-д нийлүүлэх гэрээ байгуулжээ. Мөн Moderna компани болон Эрүүл мэндийн үндэсний хүрээлэн хамтран хөгжүүлсэн вакцинаас АНУ зургадугаар сард 200 сая тунг авах юм. Гэхдээ энэ вакцинд зөвшөөрөл өгөх асуудлаар хараахан хуралдаагүй байна. Цар тахлаар 300 мянган иргэнээ алдсан тус улсын хувьд вакцинжуулалтыг чухал үйл явдал хэмээн онцолсон ч Трампын Засгийн газрын шахалтаар яаралтай ашиглах зөвшөөрлийг өгсөн хэмээн зарим судлаач дүгнэж байна. Дашрамд дурдахад, Pfizer вакцинд Их Британи улс иргэдээ хамруулж эхэлсэн бол Канад, Бахрейн, Саудын Араб улс вакциныг яаралтай ашиглах зөвшөөрлийг олгоод байна.
Эх сурвалж: “Зууны мэдээ” сонин
2020.12.15 МЯГМАР № 239 (6464)
Б.Энх-Оргилд ”Холимог тулааны бэлтгэлийн клуб” тохижуулж өгөхөө амлажээ
Холимог тулаанч Б.Энх-Оргил саяхан “ONE championship” холбооны ээлжит тэмцээнд Бразил ул
11 цаг 24 мин
Шингэрүүлсэн байгалийн хий дэлхийн эрчим хүчний геополитикийг тодорхойлно
Дэлхийн эрчим хүчний газрын зураг чимээгүйхэн дахин зурагдаж байна. Засгийн газрууд газрын ховор элемент
15 цаг 21 мин
Эсрэг, тэсрэг байр суурь
Өчигдөр хуваарь ёсоор намын бүлгүүд хуралдлаа. АН-ын бүлэг дэд сайд нарын томилгоотой холбоотой асууд
15 цаг 21 мин
Нийгмийн ажлын тухай хуулийн төслийг бүлэг дэмжжээ
УИХ-ын гишүүн О.Саранчулуун нарын 24 гишүүн Нийгмийн ажлын тухай анхдагч хуулийн төслийг өргөн мэд
15 цаг 21 мин
Оюу толгойн сонсголын тогтоолын төслийг монголын эрх ашгийн талд илүү чамбайруулах чиглэл өгөв
Оюу толгой бүлэг ордын ашиглалтад Монгол Улсын эрх ашгийг хангуулах, хүртэх өг
Өчигдөр 15 цаг 31 мин
Монголын Ипотекийн Корпораци “Шилдэг ТоС санхүүгийн байгууллага”-аар шалгарлаа
Монголын Ипотекийн Корпораци ОССК нь “ТоС Холбоо болон зохицуулагч байгууллагууд, салбары
Өчигдөр 13 цаг 28 мин
ASMMA-ны ерөнхий нарийн бичгийн даргаар МИК ОССК-ийн Гүйцэтгэх захирал Б.Гантулга сонгогдов
Азийн Хоёрдогч Моргейжийн Зах Зээлийн Холбоо (ASMMA)-ны ээлжит хуралд оролцож, тус холбоо (ASMMA)-ны ерөнхий нарийн бичгийн даргаар МИК ОССК-ийн Гүйцэтгэх захирал Б.Гантулга сонгогдов.
Өчигдөр 13 цаг 22 мин
Германы Шпаркассэ банктай хамтын ажиллагааны гэрээ байгуулав
Германы Шпаркассэ банктай хамтын ажиллагааны гэрээ байгуулав. Германы Баушпар Загварыг Монгол Улсад нутагшуулах боломж ба шийдэл хэлэлцүүлгийг МИК ОССК ХХК болон Германы Шпаркассэ банк амжилттай хамтран зохоин байгууллаа. Германы Шпаркассе сангийн шугамаар ХБНГУ-д туршлага судлав.
Өчигдөр 13 цаг 21 мин
Япон улсын ногоон орон сууцны стандартын хүрээнд туршлага судлав
Бид Японы орон сууц санхүүжилтийн агентлаг техникийн туслалцааны хамтын ажиллагааны гэрээ байгуулж, манай байгууллагад үзүүлж буй техникийн туслалцааны хүрээнд МИК-ийн төлөөлөл ажилтан, удирдах албан тушаалтнууд Япон улсын ногоон орон сууцны стандартын хүрээнд туршлага судлав.
Өчигдөр 13 цаг 20 мин
Монголын хөрөнгийн зах зээлд нээлттэй арилжаалагдаж буй ХБҮЦ-ны хөрөнгө итгэмжлэн удирдагчаар ажиллаж эхлэв
Энэ онд Монголын хөрөнгийн зах зээлд нээлттэй арилжаалагдаж буй ХБҮЦ-ны хөрөнгө итгэмжлэн удирдагчаар ажиллаж эхлэв. Үүнд, Нэткапитал Эй Би Эс ТЗК, “Жи Эс Би Актив 1, 2 ТЗК, Ашид Капитал Ассет ТЗК, Си и Си Ая Ассет Ван ТЗК-ийн нийт 128 тэрбум төгрөгийн дүн бүхий ХБҮЦ-нд ХИУ-аар ажиллаж байна.
Өчигдөр 13 цаг 19 мин