Б.ДОЛЖИНЖАВ

Италид Зул сарын баярын амралт арванхоёрдугаар сарын 21-нээс  нэгдүгээр сарын 6-нд тохиодог. Гэвч энэ жил цар тахлын улмаас амралтын энэ өдрүүдээрээ өөр муж руу аялж, гэр бүл, хамаатныдаа зочлохыг хориглолоо. Мөн зарим мужид  баярын өдрүүдээр гэрээс гарахыг хоригложээ.

 Учир нь Италид цар тахал дэгдэснээс хойш анх удаа нэг өдөр хамгийн олон буюу 993 хүн нас барсныг зарлаад байгаа юм. Ингэснээр тус улсын 58 мянга гаруй иргэн COVID-19 халдвараар амиа алдлаа. Энэ талаар Италийн Ерөнхий сайд Жузеппе Конте “Бид сонор сэрэмжээ бууруулж чадахгүй нь. Учир нь нэгдүгээр сард ирэх гуравдугаар давлагааны эрсдэлийг тооцоолох хэрэгтэй. Энэ нь нэг болон хоёрдугаар давлагаанаас хэцүү байх болно “гэж ярьжээ. Энэ хориг ажлаар явж байгаа болон эрүүл мэндийн эсвэл яаралтай шалтгаантай хүмүүст үйлчлэхгүй.

Эх сурвалж:BBC