Жо Байден Цагаан ордны эмэгтэйчүүдээс бүрдсэн  анхны албыг байгууллаа

2020-12-01
Нийтэлсэн: Админ
 3 мин унших

Б.ДОЛЖИНЖАВ

 

АНУ-ын 46 дахь  ерөнхийлөгч Жо Байден олон талаараа анхдагч болж, их гүрний түүхийн хуудаснаа олон арилшгүй, тод мөрийг үлдээж байна.  Тухайлбал, түүний сонгосон Камала Харрис АНУ-ын анхны эмэгтэй, өнгөт арьстан  дэд ерөнхийлөгч болсон. Мөн  түүхэндээ анх удаа 80 гаруй сая хүний санал авсан нэр дэвшигч болсон. Тэрээр ням гаригт дан эмэгтэйчүүдээс бүрдсэн олон нийттэй харилцах албаа танилцуулсан нь тус улсын түүхэн дэх анхны тохиолдол байв. Жо Байден “Цагаан ордны түүхэнд анх удаа эмэгтэйчүүдээс бүрдсэн олон нийттэй харилцах албыг танилцуулж байгаа нь маш том бахархал юм. Туршлагатай, мэргэшсэн хамт олон улс орноо өмнөх шиг нь сайжруулахын төлөө хичээн ажиллана гэдэгт итгэлтэй байна” гэж ярьсан юм. Өмнө нь бид Байдены Засгийн газрын Үндэсний аюулгүй байдлыг хариуцсан албан тушаалтнуудыг танилцуулж байсан. Энэ удаа олон нийттэй харилцах албаны  гишүүдийн талаарх мэдээллийг хүргэж байна.

 

1. Жо Байден болон Камала Харрис нарын Засгийн газрын  эмэгтэйчүүдээс бүрдсэн олон нийттэй харилцах албаны хэвлэлийн төлөөлөгчөөр Обамагийн Засгийн газрын хэвлэлийн албаны нарийн бичгийн даргын орлогч, Цагаан ордны олон нийттэй харилцах албаны орлогч дарга асан Жэн Псаки ажиллах юм.  Тэрээр Барак Обама, Жон Керри, Жо Байден гэсэн гурван ерөнхийлөгчийн сонгуулийн штабд ажилласан арвин туршлагатай нэгэн.

 

2. Харин Байдены кампанит ажлын үед болон түүнийг дэд ерөнхийлөгч байхад олон нийттэй харилцах албаны  даргаар ажиллаж байсан Кейт Бедингфилд түүний Засгийн газрын олон нийттэй харилцах албаны захирлын хариуцлагатай албыг хашихаар болжээ. Тэрээр 2008 оны ерөнхийлөгчийн сонгуульд Жон  Эдвардсын хэвлэлийн төлөөлөгчөөр ажиллаж байв.

 

3. Бедингфилдийн орлогчоор мөн  Байдены сонгуулийн штабд ажиллаж байсан Пили Тобар томилогдсон байна.  Тэрээр цагаач иргэдийн эрхийг хамгаалдаг “Америкийн дуу хоолой” байгууллагад дэд захирлаар  ажиллаж байсан юм.

 

4. Хэвлэлийн төлөөлөгчийн нэгдүгээр орлогчоор, Харрисын сонгуулийн штабын дарга, Байдены кампанит ажлын ахлах зөвлөхөөр ажиллаж байсан Карин Жан-Пьер томилогджээ.  NBC, MSNBC гэсэн хэвлэл мэдээллийн байгууллагад улс төрийн тоймч, MoveOn.org сайтын олон нийттэй харилцах албаны дарга байсан тэрээр Обамагийн кампанит ажлын албанд үүрэг гүйцэтгэж байсан юм.

 

5. Байдены кампанит ажлын зөвлөх Симона Сандерс дэд ерөнхийлөгч Камала Харрисын хэвлэлийн төлөөлөгчөөр  ажиллана. Тэрээр CNN-ий улс төрийн тоймч бөгөөд насанд хүрээгүй хүүхдийн шударга ёсыг хамгаалах холбооны гишүүнээр ажиллаж байсан билээ.

 

6. Харрисын олон нийттэй харилцах албаны захирлаар Байдены кампанит ажлын ахлах зөвлөх Эйшли Этине ажиллана. Тэрээр Обамагийн Засгийн газрын Хэрэг эрхлэх газрын дарга, ерөнхийлөгчийн туслахаар ажиллаж байв.

 

7. Байдены кампанит ажлын ахлах зөвлөх Элизабет Александр  тэргүүн хатагтай Жилл Байдены олон нийттэй харилцах албаны даргаар сонгогджээ. Тэрээр Обама болон Байдены хэвлэлийн төлөөлөгчөөр ажиллаж байсан. Мөн Байденыг сенатч байхад олон нийттэй харилцах албаны даргаар нь ажиллаж байлаа.

 

Жо Байдены засаг захиргааны хамгийн чухал үүргийг гүйцэтгэх эдгээр долоон эмэгтэйн ихэнх нь өнгөт арьстан юм.  Камала Харрис тэднийг “Туршлагатай, авьяастай, ямар ч  саад бэрхшээлийг даван туулаад гарах чадалтай” хэмээн тодорхойлжээ. Тэрээр “Цар тахал, эдийн засгийн хямрал, уур амьсгалын доройтол, арьс өнгөөр ялгаварлан гадуурхах үзэл гэсэн олон сорилттой бид тулгарсан. Энэ сорилтыг туршлагатай, чадварлаг,  хамт олны тусламжтайгаар даван туулна. Цагаан ордны түүхэн дэх хамгийн чадварлаг, шударга, ил тод баг байна гэдэгт найдаж байна” гэж ярьсан юм.

 

Эх сурвалж: “Зууны мэдээ” сонин

2020.12.1 МЯГМАР № 229 (6454)

 

Ерөнхийлөгч У.Хүрэлсүхийн чөлөөлөгдөх хүсэлтийг парламент “дэнсэлнэ”

Ерөнхийлөгч У.Хүрэлсүх өчигдөр бүрэн эрхийн хугацаанаасаа өмнө чөлөөлөгдөх хүсэлт гаргаж буйгаа мэдэгдлээ. 

6 цаг 34 мин
Тэдэнд ойлгох багш, дэмжих орчин л хэрэгтэй

Хүүхэд бүрийн тэгш суралцах эрхийн төлөө гарын үсгээ зураарай Хүүхэд бүр сургуулийнхаа хаалгаар инээмсэглэн орж, бусдын адил сурч хөгжих эрхтэй.

22 цаг 49 мин
Ерөнхийлөгч У.Хүрэлсүхийн чөлөөлөгдөх хүсэлтийг УИХ-ын чуулганаар хэлэлцэн шийднэ

Ерөнхийлөгч У.Хүрэлсүхийн чөлөөлөгдөх хүсэлтийг УИХ-ын чуулганаар хэлэлцэн шийднэ

23 цаг 19 мин
А.Үйлстөгөлдөр: Ерөнхийлөгч үүрэгт ажлаас чөлөөлөгдөх хүсэлтээ өнөөдөр өгнө

А.Үйлстөгөлдөр: Ерөнхийлөгч үүрэгт ажлаас чөлөөлөгдөх хүсэлтээ өнөөдөр өгнө

23 цаг 23 мин
Төсвийн хуулийн онцлох заалтууд

Засгийн газраас 2026 оны наймдугаар сарын 31-ний өдөр өргөн мэдүүлсэн Монгол Улсын 2027 оны ул

Өчигдөр 06 цаг 00 мин
2026.11.16: Улстөрчдийн хэн, юу хэлэв

Намын бүлгүүд өчигдөр хуралдаж, тодорхой асуудлаар шийдвэр гаргалаа. Улс  төрийн мэдэгдлүүдийг онцлон хэн юу хэлснийг тоймлон хүргэж байна.

Өчигдөр 06 цаг 00 мин
Д.Ганбат: Ардчилсан үзэл баримтлалтай Ерөнхийлөгчтэй болж, улс орноо зөв залах нь чухал байна

УИХ-ын гишүүн Д.Ганбатын байр суурийг хүргэе.

Өчигдөр 06 цаг 00 мин
Голомт банк “Euromoney Awards”-ын дөрвөн төрөлд шилдгээр шалгарлаа

Дэлхийн банк санхүүгийн салбарын чиг хандлагыг тодорхойлогч

Уржигдар 15 цаг 55 мин
Өвөрхангай аймгийн Засаг даргаар Т.Жамбалцэрэнг томилжээ

Өвөрхангай аймгийн Засаг даргаар Т.Жамбалцэрэнг томиллоо

Уржигдар 14 цаг 12 мин
Грекийн бурхад Ноён уулд, Хүннүгийн өв Миланд

Fondazione Prada (Прада сан) -гийн “Global Antiquity” үзэсгэлэнгээс хийсэн тэмдэглэл

Уржигдар 06 цаг 00 мин