З.БАТЦЭЦЭГ

Новосибирскийн эртний театр “Красный факел” 2021 онд Достоевскийн 200 жилийн ойгоор (1821᠍᠎~1881) түүний амьдрал намтраар жүжиг дэглэхээр төлөвлөж байна. Ф.Достоевскийн эхнэрийн дурсамж дээр тулгуурлан бичсэн драматургч Алексей Куралехын “Невозможное чудо” жүжгийн зохиолыг сонгосон тухай “Красный факел”-ийн хэвлэлийн алба ТАСС-д мэдээлжээ.

“Дараа улирлын эхэнд бид Федор Михайлович Достоевскийн 200 жилийн ойд зориулан жүжиг гаргана.  Зохиолчын амьдарлын тухай өгүүлсэн Алексей Куралехын “Невозможное чудо”жүжигийг Владимир Золотарь найруулна. Куралехийн жүжиг урьд нь тайзнаа тавигдаж байсан” гэж театраас мэдэгджээ.

Найруулагч Владимир Золотарь ТАСС-д хэлснээр жүжигийн ажил 4 дүгээр сараас эхэлнэ. Энэ жүжиг нь зохиолчийн амьдрал, түүний 2 дахь эхнэр Анна Сниткина (түүний дурсамж дээр тулгуурлан зохиогдсон), гэр бүлийх нь харьцааг өгүүлнэ. Жүжгийн баатрууд дунд 2 том аугаа зохиолчийн дүр байгаа- Иван Тургенев, Николай Некрасов. Найруулагчийн хэлсэнээр нэлээн урт цаг хугацааг хамарсан жүжиг болох аж.

Жүжгийн гол үйл явдал Санкт-Петербургт, заримдаа Москва, Германы амралтын газар Висбаденд өрнөнө. “Уран бүтээлчийн тухай түүх дандаа сонирхолтой байдаг. Түүний уран бүтээл амьдралтай тасралгүй холбоотой, үүнд л түүний гэр бүлтэйгээ, ерөнцтэй харьцах харьцааны гол эмгэнэл оршдог. Энэ бол салгаж ойлгоход хэцүү зүйл, үүнд л Курехины зохиолын давуу чанар байдаг” гэж найруулагч ярилцлагадаа хэлжээ.

Золотарийн хэлснээр, жүжгийн гоо зүйн шийдэл дээр ажиллаж эхэлж байгаа аж. Жүжигт “Красный факел”- ийн театрын хамт олныг тоглуулна. Гаднаас жүжигчид урихгүй. Үүнээс гадна найруулагч зарим нэг хэсгийг зохиолчийн дурсамж болгон харуулахын тулд он дарааллыг зөрчсөн шууд бус өгүүлэмжийг харуулна.  

Достоевскийн талаар

Федор Михайлович Достоевский 1821 оны 11 дүгээр сарын 11-нд Москва хотод төрж, 1881 оны 2 дугаар сарын 9-нд Санкт-Петербургт нас баржээ. “Гэм зэм”, “Маанаг”, “Ах дүү Карамазов”, “Албингууд”, “Мөрийчин” гэх мэт дэлхийд алдартай зохиолуудыг бичсэн. Тэрээр сүүлийн жилүүддээ Кузнецийн нарийн гудамжинд амьдарч байжээ. Одоо тэнд түүний дурсгалын музей байдаг.

Театрын тухай

“Красный факел” театрийг 1920 онд Одесст залуу жүжигчид хамтран байгуулжээ. 11 жилийн туршид уг театр нь нүүдлийн байсан ба 1932 онд Новосибирскийн түүхэн төв болох хуучин арилжааны клубд суурьшжээ. Уг барилгыг 1914 онд Сибирийн алдарт архитекторч Андрей Крячков барьсан байна. Театрын хамт олон удаа Үндэсний Театрын “Золотая Маска” шагналаар 3 удаа шагнагдаж байсан. Мөн Оросын бүсийн болон олон улсын фестивалиудад олон удаа оролцож байжээ.

Эх сурвалж: www.tass.ru