З.БАТЦЭЦЭГ

Германд хатуу хөл хорионы дэглэм 11 сарыг дуустал байсныг сунгаж 12 сарын 20 болголоо. Дараа нь 1 сарыг дуустал сунгаж магадгүй гэж канцлер Ангела Меркель   холбооны  16 мужийн тэргүүнтэй хийсэн хэлэлцээрийн үеэр хэллээ. “Аравдугаар сарын 28-нд гаргасан шийдвэр ямартай ч 12 сарын 20 хүртэл үргэлжилнэ. Гэхдээ халдвар тархалт өндөр байгаа учраас бид  ирэх оны нэгдүгээр сарыг дуустал хөл хориог үргэлжлүүлбэл зүгээр байна” гэж хэлжээ.

Гэхдээ зул сарын үеэр хөл хориог жаахан суллаж магадгүй байна.

Урьд нь 11 сарын 2-нд коронавирусын тархалт их байгаатай холбогдуулан Герман хатуу хөл хорио тогтооосон. Германы канцлер Ангела Меркелийн шийдвэрээр бүх ресторан, бар, кинотеатр, фитнес клуб, бассейныг хаан, дэлгүүрүүд богиносгосон цагаар ажиллаж байгаа юм. Олон нийтийн газар нэг дор арваас илүү хүн цуглахгүй байх.

Аравдугаар сард Ангела Меркель хэлэхдээ Герман улс хавар шиг дахиж хатуу хөл хорио тогтоовол эдийн засгийн хямралыг давж чадахгүй гэж байжээ. Тэрээр яаралтай цар тахлыг хяналтдаа авахгүй бол болохгүй гэж онцолж байжээ.

Эх сурвалж: www.lenta.ru