Х.ОЮУНБОЛД

Их Британийн археологич Кен Дарк Израилийн хойд хэсгийн Назарет хотоос  Есүс Христосын хүүхэд болон залуу насаа өнгөрөөсөн гэж үзсэн гэрийг олсон гэж мэдэгджээ. Одоо  Назаретийн эгч дүүсийн хийд байдаг I зуунаас эхтэй барилга гэж археологичийн саяхан нийтлэгдсэн номноос эш татан “The Times” сонинд бичсэн байна.  XIX зуунд энэ гэрийг Есүс Христосын гэр байж магадгүй гэж анх удаа онцолж байжээ. Гэвч энэ таамгийг нь дараа нь 1930 онд няцааж үгүйсгэсэн байдаг аж. Харин 14 жилийн дараа судалгааны ажил болон энэ талбайд ажилласнаар  Реадингийн их сургуулийн түүх, археологийн  профессор Кен Дарк өмнө нь Есүсийн гэртэй холбоотой байсан назарчуудын хоёр давхар гэрийн дээр энэ сүм байна гэж дүгнэжээ. Энэ жинхэнэ барилгын мэдэгдэхүйц хэсгүүд хаданд ухаж гаргасан шатыг оролцуулсан  одоог хүртэл хадгалагдаж үлдсэн байна.   Гэхдээ I зуунд энэ гэр нь магадгүй олон зочны өрөө,  хашааны ойролцоо агуулахтай, дээвэр дээр тагттай байжээ. Профессор Кен Дарк орон нутгийн иргэд Христосийг мэндэлсний дараа IV зууны сүүлээр энэ газрыг Есүс Христосийн гэр байсан газар гэж итгэж байсан аж. Тэрээр “ Назарет хотын эгч дүүсийн сүм” номондоо Ром,Визант үеийн болон Назаретийн төвийн загалмайтнууд байсан газар.  Мөн манай эриний I зуунд энэ хэсэгт байсан бусад барилгаас  орон сууц байсан гэж үзжээ. Археологийн судалгаагаар энэ байшингийн гайхамшигтай хийц, хадны сийлбэр нь гэрийг барилгачин барьж, эзэмшдэг байсныг нотолж байна. Энэ нь шинэ гэрээнд гардаг Хосегийн мэргэжлийг тодорхойлж байгаа юм. Түүнээс гадна энэ үг нь зөвхөн мужаан биш чулуучин гэсэн утгыг илэрхийлдэг болохыг онцолжээ. Харин Ромын эзэнт гүрний үед ил уурхай болон оршуулгын газар болсон байна. Гэвч христийн шашин  эзэнт гүрний албан ёсны шашин болсны дараа Христосийг мэндэлсний дараа 380 онд мөргөлийн чухал газар болсон агуй, жижигхэн сүмийг барьжээ.

 Эх сурвалж:www.polit.mn