Т.САЙХАН
Ерөнхийлөгч Х.Баттулгын Засгийн газарт хүргүүлсэн эдийн засгийн арга хэмжээний талаар Ерөнхийлөгчийн Тамгын газрын дарга Ө.Шижир тайлбар өглөө. Тэрээр "Өнөөдрийн байдлаар бэлэн мөнгө ба ваучер зэрэг өрхөд санхүүгийн ямар нэгэн дэмжлэг үзүүлсэн 55 улс байна. Эдийн засгийн нөхцөл байдал манай орноос харьцангуй өөр ч Монгол Улсад энэ санаачилгыг шийдэж, эдийн засгийг эргэлтэд оруулах боломж байна. Улсын хэмжээнд 13000 орчим хүнсий зах, жижиг дэлгүүрүүд байгаа. 8600 орчим боловсруулах үйлдвэр байгаа бөгөөд 46 хувь нь хүнсний үйлдвэр байна. Эдгээр сүлжээг ашиглах боломжтой гэж үзэж буй. Бөөгнөрөл үүсгэхгүйгээр зохион байгуулах боломж байгаа. Хэрэв Ерөнхийлөгчийн уг санаачилгыг Засгийн газар дэмжээд хэрэгжүүлбэл Ерөнхийлөгч өөрийн хувь эзэмшдэг компаниудаа оролцуулахгүй байх саналтай байгаа" хэмээн ярилаа.
Эх сурвалж:www.polit.mn