Т.САЙХАН

Засгийн газрын хуралдаанаас гаргасан эдийн засгийн арга хэмжээнүүдийн талаар /2020.11.18/ танилцууллаа.  Энэ үеэр  Зам, тээврийн хөгжлийн сайд Л.Халтар "Төмөр зам дээр нөхцөл байдал амаргүй байгаа. Гэхдээ бид арга хэмжээ авч байна.  Тухайлбал, Эрүүл мэндийн яамтай хамтран 621 хүнийг шинжилгээнд хамруулсан. Үүнээс Улаанбаатар өртөөний нэг ажилтан эрсдэлтэй нөхцөлтэй байгаа. Бусад хүний хариу нь сөрөг гарсан тухай мэдээллийг авлаа.  Үүссэн нөхцөл байдалтай холбогдуулан төмөр замд хамгийн эрсдэлтэй гурван ажлын байр байгааг судлан анхаарал хандуулаад байна.   Энэ нь тооцооны төвүүд. Энд зорчигчдын тасалбар зардаг, ачаа тээврийн төлбөр тооцоог хийдэг. Зорчигчийн галт тэрэг зогссон тул эрсдэлийг хааж байгаа. Ачаа тээврийн тухайд өдөрт 2-3 удаа ариутгал халдваргүйтгэл хийж байна. Мөн зорчигчийн галт тэрэгний үйлчлэгчид. Гэхдээ зорчигчийн галт тэрэгний хөдөлгөөн зогссон тул эрсдэл хаагдсан. Түүнчлэн хэсгийн өртөөний хооронд ажилладаг машинистууд. Тэднийг өртөөн дээрх амралтын байруудад тусгаарлах байрыг бэлдэж, аяллын дараагаар амрах байрандаа амарч, дараагийн аялалдаа гарах зохион байгуулалтыг хийж эхэлсэн" гэлээ. 

Эх сурвалж:www.polit.mn